اقتوبە وبلىسى بويىنشا مكد ەكسپورتتىق باقىلاۋ باسقارماسىنىڭ لاۋازىمدى تۇلعالارى ۇقك شق قىزمەتكەرلەرىمەن بىرلەسىپ, قازاقستان رەسپۋبليكاسىنىڭ رەسەي فەدەراتسياسىمەن مەملەكەتتىك شەكاراسىن كەسىپ وتۋگە ارەكەت جاساعان كەزدە «جايسان-اۆتو» وتكىزۋ پۋنكتىندە تاۋارعا ىلەسپە قۇجاتتاردا جالعان مالىمەتتەر بەرۋ فاكتىسى بويىنشا اۆتوكولىكتى ۇستادى. بۇل تۋرالى قارجى مينيسترلىگىنىڭ مەملەكەتتىك كىرىستەر كوميتەتى حابارلادى.
جۇرگىزۋشى «مەيىز, جەرجاڭعاق, كۇرىش جارماسى» اتتى تاۋارلارعا ىلەسپە قۇجاتتارىن ۇسىندى. تاۋارعا بەرىلگەن قۇجاتتارعا سايكەس جۇكتى جونەلتۋشى شىمكەنت قالاسىنان جەكە كاسىپكەر, الۋشى – ماسكەۋ قالاسىندا جەكە تۇلعا.
اتالعان اۆتوكولىكتى تەكسەرۋ كەزىندە جالپى سالماعى 516 كگ, سوماسى 156 ملن تەڭگە بولاتىن 43 قوراپ قارا بەكىرە ۋىلدىرىعى تابىلدى.
جالپى وسى زاڭ بۇزۋشىلىقتار ءۇشىن قر قك 339-بابىنا سايكەس قىلمىستىق جاۋاپكەرشىلىك كوزدەلگەن, ول ءۇش مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا (7,6 ملن تەڭگە) نە سول مولشەردە تۇزەۋ جۇمىستارىنا, نە سەگىز ءجۇز ساعاتقا دەيىنگى مەرزىمگە قوعامدىق جۇمىستارعا تارتۋعا, نە ءۇش جىلعا دەيىنگى مەرزىمگە باس بوستاندىعىن شەكتەۋگە, نە سول مەرزىمگە باس بوستاندىعىنان ايىرۋعا جازالانادى.
اتالعان فاكتى بويىنشا ماتەريالدار اقتوبە وبلىسى بويىنشا ىشكى ىستەر دەپارتامەنتىنە تاپسىرۋ ءۇشىن دايىندالۋدا.