قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى - قازاقستان رەسپۋبليكاسىنىڭ قارجى ءمينيسترى ءاليحان سمايىلوۆ قىتايعا ساپارى بارىسىندا شانحايدا وتكەن ءىى قىتاي حالىقارالىق يمپورت كورمەسىنىڭ اشىلۋ سالتاناتىنا قاتىستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
ءا. سمايىلوۆ قازاقستاننىڭ ەكونوميكالىق جانە ينۆەستيتسيالىق الەۋەتىن كورسەتۋ ماقساتىندا قحر ساۋدا مينيسترلىگى ۇسىنعان شانحاي كورمەسىندەگى قازاقستان رەسپۋبليكاسىنىڭ ۇلتتىق جانە ساۋدا پاۆيلوندارىن ارالادى.
2019 جىلعى 13 ماۋسىمدا بىشكەكتە وتكەن شىۇ-عا مۇشە مەملەكەتتەر باسشىلارىنىڭ ءحىح وتىرىسىنا قاتىسۋ اياسىندا بولعان قازاقستان رەسپۋبليكاسىنىڭ پرەزيدەنتى ق. توقاەۆ پەن قحر توراعاسى سي تسزينپين اراسىنداعى كەلىسسوزدەر بارىسىندا قىتاي تاراپى قازاقستاندى قاراشا ايىندا وتەتىن ءىى قىتاي حالىقارالىق يمپورت كورمەسىنە قۇرمەتتى قوناق رەتىندە قاتىسۋعا شاقىردى.
شانحاي كورمەسىندە قازاقستان رەسپۋبليكاسى ۇلتتىق ستەندتى ەلدىڭ ەكونوميكالىق جانە ينۆەستيتسيالىق الەۋەتىن پاش ەتتى.
قازاقستان رەسپۋبليكاسىنىڭ ۇلتتىق پاۆيلونىندا ينۆەستيتسيالىق, ساۋدا, بيزنەس جانە تۋريزم سالاسىنداعى ەلدىڭ مۇمكىندىكتەرىن تانىستىرۋ ءۇشىن سەگىز ءىرى كومپانيا, ونىڭ ىشىندە «Kazakh Invest» ۇك اق, «سامۇرىق-قازىنا», «بايتەرەك», AIFC, «Astana Expo - 2017», «Kazakh Export», سسدو «Qaztrade», «KazakhTourism» جانە «قورعاس» شىحو كورسەتىلگەن.
قازاقستاندىق ونىمدەردى 180 شارشى مەتر اۋماقتى الاتىن شانحاي يمپورت كورمەسىندەگى ەلىمىزدىڭ پاۆيلونىندا قازاقستان رەسپۋبليكاسىنىڭ تاماق جانە اۋىل شارۋاشىلىعى سالالارىنىڭ 30 كومپانياسى ۇسىنىلدى. كورمە بارىسىندا بىرقاتار ەكسپورتتىق كەلىسىمشارتتارعا قول قويىلدى.
وتكەن جىلى شانحايدا وتكەن ءى قىتاي حالىقارالىق يمپورت كورمەسىنە 130-دان استام ەلدەن 3 مىڭنان اسا كومپانيا قاتىستى. ونىڭ 200-ءى الەمدەگى 500 ءىرى كاسىپورىنداردىڭ تىزىمىندە.
270 مىڭ شارشى مەتردى قۇرايتىن كورمەنىڭ جالپى الاڭىندا 5 مىڭعا جۋىق ءتۇرلى بۇيىمدار مەن تەحنولوگيالار ۇسىنىلدى. ءىس-شاراعا 18 مەملەكەت پەن ۇكىمەت باسشىلارى جانە 160 مىڭعا جۋىق ساتىپ الۋشى قاتىستى.