2020 جىلدىڭ 8-11 ماۋسىم ارالىعىندا نۇر-سۇلتان قالاسىندا وتەدى حالىقارالىق ساۋدا سالاسىنداعى جاھاندىق ءىس–شارا – دۇنيەجۇزىلىك ساۋدا ۇيىمىنىڭ مينيسترلىك كونفەرەنتسياسى (مك-12) EXPO ىسكەرلىك ورتالىعىنىڭ وبەكتىلەرىندە وتەدى. بۇل تۋرالى ۇيىمنىڭ ءباسپاسوز قىزمەتى حابارلادى.
مۇنداي اۋقىمداعى دسۇ-نىڭ ءىس-شاراسى ۇيىمنىڭ نەگىزىن قالاۋشى بولىپ تابىلمايتىن ەلدە العاش رەت وتەتىن بولادى.
مك-12 جۇمىسىنا 164 قاتىسۋشى ەلدەردىڭ ساۋدا مينيسترلەرى جانە دسۇ–نىڭ 20 باقىلاۋشى ەلدەرىنىڭ, سونداي-اق بۇكىل الەمنىڭ حالىقارالىق ساۋدا سالاسىنداعى ءىرى ساراپشىلارى قاتىسادى. ءىس-شاراعا قاتىسۋشىلاردىڭ جالپى سانى 5-6 مىڭ ادامنان اسادى.
ءىرى حالىقارالىق ءىس-شارالاردى ۇيىمداستىرۋداعى ەلەۋلى جانە تابىستى تاجىريبەنى, كەز كەلگەن فورماتتاعى كونگرەستىك-كورمە ءىس-شارالارىن ەڭ جوعارى دەڭگەيدە وتكىزۋ ءۇشىن بارلىق قاجەتتى ينفراقۇرىلىمنىڭ بولۋىن جانە ماتەريالدىق-تەحنيكالىق قامتاماسىز ەتۋدى ەسكەرە وتىرىپ, مك-12 ۇيىمداستىرۋ مەن وتكىزۋدىڭ نەگىزگى وپەراتورى بولىپ «استانا ەكسپو-2017» ۇلتتىق كومپانياسى بەلگىلەندى.
مينيسترلىك كونفەرەنتسياسى اياسىنداعى ماجىلىستەر مەن ءىس–شارالار EXPO ىسكەرلىك ورتالىعىنىڭ وبەكتىلەرى – كونگرەسس-ورتالىعى, حالىقارالىق كورمە ورتالىعى, Hilton Astana, استانا حالىقارالىق قارجى ورتالىعى نىساندارىندا وتەدى.
ەستەرىڭىزگە سالا كەتەيىك, اعىمداعى جىلدىڭ 29 قازانىندا قازاقستان رەسپۋبليكاسىنىڭ ساۋدا جانە ينتەگراتسيا ءمينيسترى باقىت سۇلتانوۆتىڭ جەنەۆاعا ساپارىنىڭ اياسىندا قازاقستان رەسپۋبليكاسىنىڭ ۇكىمەتى مەن دۇنيەجۇزىلىك ساۋدا ۇيىمىنىڭ اراسىنداعى دسۇ-نىڭ 12-ءشى مينيسترلىك كونفەرەنتسياسىن نۇر-سۇلتاندا وتكىزۋ تۋرالى كەلىسىمگە قول قويىلدى.
مينيسترلىك كونفەرەنتسيا دسۇ-نىڭ جوعارى باسقارۋشى ورگانى بولىپ تابىلادى, ونىڭ وتىرىستارى ەكى جىلدا ءبىر رەت وتكىزىلەدى. ورگاننىڭ قۇزىرەتىنە كوپجاقتى ساۋدا كەلىسىمدەرىنىڭ اياسىنداعى بارلىق ماسەلەلەر بويىنشا شەشىمدەردى قابىلداۋ, ونىڭ ىشىندە حالىقارالىق ساۋدانى رەتتەيتىن جاڭا تارتىپتەردى بەكىتۋ قۇقىعى كىرەدى.