كەشە نۇر-سۇلتاندا اۋىر اتلەتيكادان كسرو-نىڭ جانە قازاقستان رەسپۋبليكاسىنىڭ ەڭبەك سىڭىرگەن سپورت شەبەرى اناتولي حراپاتىيدى ەسكە تۇسىرۋگە ارنالعان ءتۋرنيردىڭ شىمىلدىعى ءتۇرىلدى.
ا.حراپاتىي 1963 جىلى اقمولا وبلىسىنىڭ اتباسار قالاسىندا دۇنيەگە كەلدى. 82,5 كيلو, 90 كيلو جانە 99 كيلو سالماق دارەجەلەرىندە ونەر كورسەتكەن ول 1988 جىلى سەۋل وليمپياداسىندا باس جۇلدەنى ولجالاپ, 1996 جىلى اتلانتا وليمپياداسىندا كۇمىس مەدالدى يەلەندى. 1985-1995 جىلدار ارالىعىندا الەمنىڭ بەس دۇركىن چەمپيونى اتانىپ, تاعى ەكى مارتە قولا جۇلدەنى ەنشىلەدى. ەۋروپا بىرىنشىلىگىندە بەس رەت توپ جارىپ, ازيا ويىندارىندا ەكى مارتە ەكىنشى ورىنعا تابان تىرەدى. دۇنيەجۇزىلىك رەكوردتاردى دا بىرنەشە رەت جاڭارتتى. الايدا, اتاقتى سپورتشىنىڭ ءومىرى كەلتە بولدى – 2008 جىلدىڭ 11 تامىزىندا اقمولا وبلىسى اۋماعىنداعى ارشالى كەنتى ماڭىندا جول اپاتىنا ۇشىراپ, قازا تاپتى. ول نەبارى 45 جاستا ەدى...
اناتولي حراپاتىيدى ەسكە تۇسىرۋگە ارنالعان ايتۋلى جارىس بىرنەشە كۇنگە سوزىلىپ, 3 قاراشادا ءوز مارەسىنە جەتەدى.