قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆ ەلورداداعى بىرقاتار عىلىمي-زەرتتەۋ ورتالىقتارى مەن جوعارى وقۋ ورىندارىندا بولىپ, اتالعان مەكەمەلەردىڭ قىزمەتىمەن تانىستى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەتتىك حاتشى «قوعامدىق كەلىسىم» رەسپۋبليكالىق مەملەكەتتىك مەكەمەسىنىڭ, ەۋرازيالىق ينتەگراتسيا ينستيتۋتىنىڭ, ورتالىق كوممۋنيكاتسيالار قىزمەتىنىڭ, قازاقستاندىق قوعامدىق دامۋ ينستيتۋتىنىڭ, «بولاشاق» حالىقارالىق باعدارلامالار ورتالىعىنىڭ جانە قازاقستان ستراتەگيالىق زەرتتەۋلەر ينستيتۋتىنىڭ ۇجىمدارىمەن كەزدەسىپ, وندا ەلىمىزدەگى ەتنوسارالىق كەلىسىم, ءبىلىم, عىلىم, اقپارات سالالارىندا اتقارىلىپ جاتقان مەملەكەتتىك ساياساتتىڭ باعىت-باعدارى تۋرالى ايتتى.
قىرىمبەك كوشەرباەۆ ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە بولىپ, وقىتۋشى-پروفەسسورلار قۇرامىمەن كەزدەسۋ وتكىزدى جانە اتالعان ءبىلىم وردالارىنىڭ وقۋ باعدارلامالارىمەن جانە ماتەريالدىق-تەحنيكالىق بازاسىمەن تانىستى.