جاڭاوزەن قالاسىنداعى ونەركاسىپ ءوندىرىسىنىڭ كولەمى 128,9 ملرد تەڭگەنى قۇرادى, وتكەن جىلدىڭ سايكەس كەزەڭىمەن سالىستىرعاندا 7,0 ملرد تەڭگەگە ءوستى. ونەركاسىپ ءوندىرىسىنىڭ ناقتى كولەم يندەكسى 98,3% قۇرادى. ونەركاسىپ ءونىمىنىڭ كولەمى وتكەن جىلمەن سالىستىرعاندا جوعارى بولعانىمەن, ونەركاسىپتىڭ باسقا سالالارى بويىنشا تومەندەپ وتىر.
ءوندىرىس سالاسىنداعى تەحنيكالىق قىزمەت كورسەتۋ جۇمىس كولەمىنىڭ وتكەن جىلعا قاراعاندا تومەندەۋ سەبەبى - «وزەنمۇنايگاز» اق-نا تەحنيكالىق قىزمەت كورسەتەتىن «بۇرعىلاۋ» جشس-ءى ارقىلى كورسەتىلگەن تەحنيكالىق قىزمەتتەر 01.09.2019 جىل كەزەڭىنە 28,0 ملرد تەڭگەنى قۇراسا, ال 01.09.2018 جىل كەزەڭىنە – 30,0 ملرد تەڭگە بولعان, ياعني 2,0 ملرد تەڭگەگە ازايىپ وتىر.
بۇدان باسقا تابيعي گاز ءوندىرۋدىڭ ازايۋىنان نەگىزگى كاپيتالعا سالىنعان ينۆەستيتسيا (نكي) ازايىپ وتىر (تابيعي گاز ءوندىرۋ - 174,1 ملن تەكشە مەتر بولىپ, 16,1 ملن تەكشە مەترگە تومەندەدى, 01.09.2018ج - 190,2ملن تەكشە مەتر). نەگىزگى كاپيتالعا سالىنعان ينۆەستيتسيانىڭ كولەمى 25,9 ملرد تەڭگەنى قۇرادى, وتكەن جىلدىڭ سايكەس كەزەڭىنە قاراعاندا 4,1 ملرد تەڭگەگە نەمەسە 16,9%-عا ازايىپ وتىر (2018ج. قاڭتار-تامىز ايلارىندا – 30,0 ملرد تەڭگە). تومەندەۋ سەبەبى: جەكە تۇرعىن ءۇي قۇرىلىسىنا سالىنعان يۆەستيتسيا كولەمى 2019 جىلدىڭ 6 ايىندا 6,0 ملرد.تەڭگەنى قۇراسا (455 ءۇي), 2018 جىلدىڭ 6 ايىندا 11,0 ملرد تەڭگە بولعان (665 ءۇي), ياعني 5,0 ملرد تەڭگەگە (210 ءۇي) ازايىپ وتىر. بۇدان باسقا 2018 جىلى 900 ورىندىق 3 مەكتەپتىڭ قۇرىلىسى جۇرگىزىلگەن بولاتىن, قۇنى – 4,5 ملرد تەڭگە جانە «ورالمۇنايپروم» جشس تاراپىنان 3,0 ملرد تەڭگەگە ەلەكترستانتسياسىن سالدى, دەدى جاڭاوزەن قالاسىنىڭ اكىمى ماقسات يباعاروۆ مالىمدەدى.
ماقسات وڭعارباي ۇلىنىڭ مالىمدەۋىنشە, «ىسكە قوسىلعان تۇرعىن ۇيلەردىڭ جالپى اۋدانى 80,6 مىڭ شارشى مەتردى قۇرادى, 2018 جىلدىڭ سايكەس دەڭگەيىنە قاراعاندا 82,0% قۇرادى (2018ج. قاڭتار-تامىز ايلارىندا – 98,2 مىڭ شارشى مەتر).
تومەندەۋ سەبەبى: جاڭاوزەن قالاسىندا جەكە تۇرعىن ۇيلەرگە ارنالعان جەل تەلىمدەرى 2010 جىلدان باستاپ بولىنبەگەن. 2010 جىلعا دەيىن بەرىلگەن جەر تەلىمدەرىنىڭ قابىلداۋ اكتىلەرى تىركەلىپ بولعان. جاڭاوزەن قالاسىنىڭ جانە وعان ىرگەلەس اۋىلداردا تۇرعىن ءۇي قۇرىلىسى سالىنىپ, بىراق قابىلداۋ اكتىسى راسىمدەلمەگەن تۇرعىن ۇيلەرگە ەسكەرتۋ بەرىلىپ, جۇمىستار جالعاسىن تابۋدا.
قۇرىلىس جۇمىستارىنىڭ كولەمى 9,763 ملرد.تەڭگەنى قۇرادى, وتكەن جىلدىڭ سايكەس كەزەڭىنە قاراعاندا97,0%-دى قۇرادى (2018ج. قاڭتار-تامىز ايلارىندا – 9,762 ملرد تەڭگە بولدى). قۇرىلىس جۇمىستارىنىڭ وتكەن جىلعا قاراعاندا 1,0 ملن تەڭگەگە جوعارى بولعانىمەن, نكي تومەندەۋى تۇتىنۋ باعاسىنىڭ جوعارىلاۋىنان بوپىپ وتىر (103,3%-دان 103,6%-عا ءوستى).
ينجەنەرلىك-ينفراقۇرىلىمدارى اۋىز سۋمەن, ەلەكتر جارىعىمەن جانە كوگىلدىر وتىنمەن (گاز) تولىقتاي قامتاماسىز ەتىلگەن.