پارلامەنت سەناتىنىڭ دەپۋتاتى دانا نۇرجىگىتوۆا بالالاردىڭ كوشى-قون ۇدەرىستەرىندەگى قۇقىقتارىن قورعاۋ جانە قامتاماسىز ەتۋ جۇيەسىن جاقسارتۋ جونىندەگى تاجىريبەنى زەردەلەۋ ءۇشىن يتاليادا بولدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
شارانى قازاقستان رەسپۋبليكاسىنىڭ ادام قۇقىقتارى جونىندەگى ۋاكىلى جانە بۇۇ بالالار قورى (يۋنيسەف) ۇيىمداستىرىپ وتىر. دەلەگاتسيا قۇرامىنا پارلامەنت دەپۋتاتتارى جانە ءبىلىم جانە عىلىم, ىشكى ىستەر, دەنساۋلىق ساقتاۋ, ەڭبەك جانە الەۋمەتتىك قورعاۋ, ادىلەت مينيسترلىكتەرىنىڭ وكىلدەرى ەنگەن بولاتىن.
ساپار اياسىندا كوشى-قون ۇدەرىستەرى جانە ونداعى بالالاردى قورعاۋدا تاجىريبەسى مول ەلدەردىڭ وسى سالاداعى احۋالىن زەردەلەۋ مەن ىنتىماقتاستىق ورناتۋ جوسپارلاندى.
سونداي-اق كوشى-قون كەزىندە قامقورلىقتان سىرت قالعان بالالاردى قورعاۋ جۇيەسى, سونداي-اق ولاردى ودان ءارى ۇستاۋ, مارتەبەسىن انىقتاۋ, ولارعا قولايلى جاعداي جاساۋ ماسەلەلەرىن تالقىلاۋ كوزدەلىپ وتىر.