قاراقيا اۋدانىندا «نۇرلى جەر» باعدارلاماسى اياسىندا سالىنعان 120 پاتەرلىك 4 تۇرعىن ءۇي اۋداننىڭ تۇرعىن ءۇي كەزەگىندەگى كوپبالالى وتباسىلارعا, «التىن القا», «كۇمىس القا» القالارىمەن ناگرادتالعان كوپ بالالى انالارعا, حالىقتىڭ الەۋمەتتىك جاعىنان قورعالاتىن وسال توپتارىنا جاتاتىن ازاماتتارعا جانە اتا-اناسىنىڭ قامقورلىعىنسىز قالعان جاستارعا بەرىلدى.
«اۋدان بويىنشا بۇگىنگى تاڭدا 1100 ادام كەزەكتە تۇر. «باقىتتى وتباسى» باعدارلاماسى بويىنشا بارلىعى 49 جولداما بەرىلىپ, ونىڭ ىشىندە 8 وتباسى «تۇرعىنۇيقۇرىلىسجيناقبانك» ارقىلى ەكىنشى ساناتتاعى تۇرعىن ءۇي قۇجاتتارىن راسىمدەۋدە. سونىمەن بىرگە اۋداندىق بيۋدجەت ەسەبىنەن 1 ساناتتاعى باسپانا الۋعا تۇرعىن ءۇي سەرتيفيكاتتارى ءۇشىن 6 ملن تەڭگە قارالدى, دەدى اۋدان اكىمى ق.بەكوۆ.