جۇمىس كولەمىنىڭ ازايۋىنا بايلانىستى قازىر «ەرساي» كومپانياسىنان جۇمىسشىلار قىسقارىپ جاتىر. بۇگىنگى تاڭدا قاراقيا اۋدانىنىڭ 400 ازاماتى جۇمىستان بوسادى.
ولاردى جۇمىسقا ورنالاستىرۋ ماسقاتىندا 5 قازان كۇنى اتىراۋ قالاسىندا «تەڭىزشەۆرويل» جشس مەردىگەر كومپانيالارىمەن كەزدەسۋ وتكىزىلىپ, جۇمىسسىز ازاماتتاردىڭ ءتىزىمى بەرىلدى. قازىرگى تاڭدا, 2 مەكەمە, «سەنىمدىقۇرىلىس» جانە «سسر» كومپانياسى جۇمىسقا ازاماتتاردى قابىلداۋعا ىنتاسىن بىلدىرۋدە. وسى كومپانيالارمەن ءتيىستى جۇمىس اتقارىلۋدا, دەدى اۋدان اكىمى ق.بەكوۆ.
سونداي-اق اۋدان باسشىسىنىڭ ايتۋىنشا, وڭىردە كاسىپكرەلەردىڭ قاتارى كوبەيۋدە. «باستاۋ بيزنەس» جوباسى بويىنشا 61 ادام سەرتيفيكات الىپ, 18 ادام بيزنەس اشۋ بويىنشا نەسيە العان. «جاس كاسىپكەر» جوباسى بويىنشا 52 ادام كاسىپكەرلىك نەگىزىنە وقىتىلىپ, 35 ادام جوباسىن ءساتتى قورعاسا, «جاس پروجەكت» باعدارلاماسى بويىنشا اۋداندا 33 الەۋمەتتىك جوبا ىسكە اسىرىلۋدا. سونىمەن قاتار, «تەڭىزشەۆرويل» جشس قولداۋىمەن بيىلعى جىلى «جارقىرا» جوباسىنا (اقتاۋ, باۋتين, بورانقۇل كىرەدى) قۇرىق اۋىلى دا ەنىپ, كۇنى كەشە اۋىل تۇرعىندارى ءۇشىن ءتۇسىندىرۋ كەزدەسۋى ءوتتى.
قاراقياداعى تاعى ءبىر جاڭالىق – سۋ تازارتۋ قوندىرعىسى ىسكە قوسىلماق. جەتىباي اۋىلىنداعى ەدىل سۋىن تازارتۋ قوندىرعىسىنا اعىمداعى جوندەۋ جۇمىستارى جۇرگىزىلەدى. جەتىباي اۋىلىنداعى قۋاتى تاۋلىگىنە 3200 م³ سۋ تازارتاتىن قوندىرعىعا اعىمداعى جوندەۋ جۇمىستارىن جۇرگىزۋ ءۇشىن جەرگىلىكتى بيۋدجەتتەن 40,0 ملن تەڭگە ءبولىنىپ, ءتيىستى جۇمىستار جۇرگىزىلۋدە.
جوندەۋ جۇمىستارى بيىلعى جىلدىڭ قاراشا ايىندا اياقتالماق.