قايتا وقىعاننىڭ ايىبى جوق

كۋرستارداعى وقۋ مەرزىمى تاڭ­دال­عان ماماندىقتارعا بايلا­نىس­ت­ى ءبىر اي مەن جارتى جىل ارا­لى­عىن­دا بولدى. ستۋدەنتتەرگە ستي­پەن­ديا تولەن­گەنىن جانە قاجەت بول­عان جاع­داي­دا جول ءجۇرۋ شى­عىن­­دارى­نىڭ دا وتەلگەنىن ايتا كەت­­كەن ءلازىم.

قايتا وقۋعا نيەت بىلدىرگەندەر ءۇشىن مىنا اقپاراتتى نازاردا ۇستاعان ءجون: ساران قالاسىندا ارنايى كۋرستان اباي قۇنانباەۆ اتىنداعى گۋمانيتارلىق-تەح­ني­كا­لىق كوللەدجدە, «Galex Plus» توقىما-تىگىن فابريكاسىندا جانە «A.V.Group» جشس, «Asia Tex» جشس جانە «Nurkuat Energy» جشس سياقتى كاسىپورىندارىندا وتۋگە بولادى.

قايتا وقىعاننىڭ ايىبى جوق­تى­عىن, كەرىسىنشە پايداسىنىڭ مول­دى­عىن دالەلدەگىسى كەلەتىن تۇ­لەكتىڭ ءبىرى – قارلىعاش بال­تا­بەكوۆا. شاشتاراز ونەرى وقۋى­نا قوسا «بيزنەس باستاۋ» باع­دار­لا­ما­سى بويىنشا كاسىپكەر­لىك كۋرسىن تامامداعان جاس مامان الداعى ۋاقىتتا ءوزىنىڭ سۇلۋ­لىق سالونىن اشقىسى كەلەدى ەكەن.

–بالالارعا ارنالعان سالون اشقىم كەلەدى. انالاردىڭ مەنىڭ سالونىما بالالارىن الىپ كەلگەنىن ارماندايمىن. ولاردى جىلى شىرايمەن قارسى الىپ, ساپالى قىزمەت كورسەتسەم دەگەن ماقساتىم بار. كليەنتتەرىم سالونىمنان تەك قانا كوتەرىڭكى كوڭىل كۇيدە قايتسا ەكەن دەپ تىلەيمىن. ادامدارمەن جۇمىس ىستەۋدى جالىقپاي ۇيرەنگىم كەلەدى. سونان سوڭ جۇمىس بارىسىندا ءار ادامنىڭ پىكىرىن ەسكەرۋ قاجەت دەپ سانايمىن. الداعى ۋاقىتتا وقۋىمدى جالعاستىرۋدى ويلاس­تىرىپ ءجۇرمىن. ويتكەنى ءسان يندۋسترياسى وراسان زور جىل­دام­دىقپەن دامىپ كەلەدى. بۇل سالا­دا­عى باسەكەلەستىك وتە زور, – دەيدى ول.

قىسقا مەرزىمدى كۋرستاردى ۇيىم­­داستىرۋشىلار تۇلەكتەردىڭ جۇ­مىسقا ورنالاسۋىنا دا قول ۇشىن بەرەدى. مىسالى, شاشتاراز ماماندىعىن وقىعان ءازيزا سماعۇلوۆا وبلىستاعى اقتاس كەنتىنە جۇمىسقا تۇراتىن بولدى.

–شەبەرلىگىمدى ءارى قا­راي جە­تىل­دىرۋ جوسپارىمدا بار. ال­دى­­ما قويعان ۇلكەن ماق­سات­تا­رىما جەتۋ ءۇشىن كۋرس­تار­دا وقىپ, سەمينار­لارعا قاتى­سىپ, شەبەرلىك ساباق­تا­رىندا بىلىك­تى­لى­گىم­دى كوتەر­گىم كەلەدى, – دەيدى جاس مامان.

ساران قالاسىنداعىداي قايتا دايار­لاۋ كۋرستارىن قاراعاندى وبلى­سىنىڭ بارلىق قالالارىندا ۇيىم­داستىرۋ جوسپاردا بار. ال قانداي ماماندىقتى يگەرۋگە بولاتىنىن جانە وقۋعا ءتۇسۋدىڭ ءتارتىبىن جۇمىسپەن قامتۋ ورتا­لىق­تا­رىنان انىقتاپ الۋعا بولادى.

ايتا كەتكەن ءجون, ساران قالا­سى­نداعى قىسقا مەرزىمدى كۋرستار نات­يجەلى جۇمىسپەن قامتۋدى جانە جاپ­پاي كاسىپكەرلىكتى دا­مى­تۋ­دىڭ 2017-2021 جىلدارعا ارنال­عان «ەڭبەك» باعدارلاماسى ايا­سىندا ۇيىمداستىرىلعان.

قاراعاندى وبلىسى