قازاقستان رەسپۋبليكاسىنىڭ ۇكىمەتىندە وتكەن ءباسپاسوز كونفەرەنتسياسىندا ۇلتتىق ەكونوميكا ۆيتسە-ءمينيسترى جاسلان ماديەۆ قازاقستاننىڭ «Doing Business» رەيتينگىندەگى پوزيتسيالارىنىڭ جاقسارۋىنا اسەر ەتكەن, اتقارىلعان جۇمىستار تۋرالى ايتىپ بەردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
ەسكە سالا كەتەيىك, وتكەن اپتادا دۇنيەجۇزىلىك بانك Doing Business بيزنەس جۇرگىزۋدىڭ جەڭىلدىگى بويىنشا جىل سايىنعى رەيتينگتى جاريالادى, وندا قازاقستان 28-دەن 25-ورىنعا دەيىن 3 تارماققا كوتەرىلگەن.
ج. ماديەۆتىڭ ايتۋىنشا, قازاقستان 3 پوزيتسياعا جوعارىلاپ, الەمنىڭ 190 ەلىنىڭ اراسىندا بيزنەستى جۇرگىزۋ بويىنشا توپ-25 ەلدىڭ قاتارىنا كىردى, بۇل ۇكىمەتتىڭ جىلدان جىلعا بيزنەستى دامىتۋ ءۇشىن قولايلى جاعداي جاساۋعا باعىتتالعان شارالارىنىڭ ارەكەتتى بولىپ كەلگەنىن كورسەتتى.
قازاقستان 79,7 بالى بار گەرمانيادان كەيىن ىقتيمال 100 بالدىڭ 79,6 بالىنا يە بولدى. قازاقستان اۆستريادان, جاپونيادان, يسپانيادان, فرانتسيادان, شۆەيتساريادان جانە تمد ەلدەرىنەن وزدى.
سونىمەن قاتار ج. ماديەۆ 2016 جىلى «Nur Otan» پارتياسىنىڭ XVII سەزىندە 2021 جىلعا قاراي «Doing Business» رەيتينگىنىڭ توپ-25 ەلىنىڭ قاتارىنا كىرۋ مىندەتى قويىلعانىن ەسكە سالدى. بۇگىندە, وسى مىندەت 2019 جىلى ورىندالدى.
«بالدار سانى بويىنشا ءبىز 79,6 بالل العان كانادا جانە يرلانديامەن تەڭ پوزيتسيادامىز. ولار رەيتينگدە 23 جانە 24-ورىندارعا يە», — دەدى ج. ماديەۆ.
سوڭعى ەكى جىلدا قازاقستان 11 پوزيتسياعا جوعارىلادى (2017 جىلى – 36-ورىن, 2018 جىلى – 28-ورىن). بۇل ۇكىمەتتىڭ 2014 جىلدان باستاپ زاڭنامالىق باستامالاردىڭ 7 توپتاماسى شەڭبەرىندە قابىلدانعان رەفورمالارىنىڭ رەكوردتى ناتيجەلەرىن كورسەتەدى.
رەيتينگتىڭ ناتيجەلەرىنە سايكەس قازاقستان 10 نەگىزگى باعىتتىڭ 3-ءۋى بويىنشا جوعارىلادى جانە «شارتتاردىڭ ورىندالۋىن قامتاماسىز ەتۋ» ينديكاتورى بويىنشا الەمدەگى ءتورتىنشى ورنىن ساقتاپ قالدى.
قازاقستان «كرەديت الۋ» (+35 پوزيتسيا), «كاسىپورىنداردى تىركەۋ» (+14 پوزيتسيا), «ەلەكترمەن جابدىقتاۋ جۇيەسىنە قوسىلۋ» (+9 پوزيتسيا) ينديكاتورلارى بويىنشا ايتارلىقتاي ءوسىم كورسەتتى.
قازاقستان ىسكە اسىرعان نەگىزگى رەفورمالار:
«استانا-1» ەلەكتروندىق كەدەندىك دەكلاراتسيالاۋ جۇيەسىن ەنگىزۋ;
قوسىمشا قۇن سالىعىن تىركەۋ ۋاقىتى 5-تەن 1 جۇمىس كۇنىنە دەيىن قىسقاردى;
زاڭدى تۇلعالاردىڭ پايداسىنا قاراي وتەۋ تۋرالى سوت اكتىسىن ورىنداۋعا ۋاقىت شىعىنى 231 كۇننەن 64 كۇنگە قىسقارتىلدى;
تاپسىرىس بەرۋشىدە جەر ۋچاسكەسىنە قۇقىعى بولعان جاعدايدا جەرگىلىكتى اتقارۋشى ورگانداردان قۇرىلىسقا قوسىمشا رۇقسات الۋ قاجەتتىلىگى الىپ تاستالدى;
شوتتى ونلاين اشقاننان كەيىن بانككە بارۋ قاجەتتىلىگى الىپ تاستالدى, بۇل كومپانيالارعا شوتتى اشقان ساتتەن باستاپ ونى قاشىقتىقتان پايدالانۋعا مۇمكىندىك بەرەدى;
«سوت كابينەتى» سەرۆيسى شەڭبەرىندە ۇيدەن نەمەسە كەڭسەدەن شىقپاي سوتقا تالاپ ارىز (شاعىم, ءوتىنىش, پىكىر, قارسى تالاپ ارىز نەمەسە ءوتىنىش) بەرۋ جانە ونلاين رەجيمدە مەملەكەتتىك باج تولەۋ مۇمكىندىگى ۇسىنىلعان.
بۇل رەتتە, زاڭنامالىق باستامالاردىڭ ازىرلەنىپ جاتقان 8-توپتاماسى شەڭبەرىندە مىنالار ۇسىنىلادى:
ەلەكتر جەلىلەرىنە قوسىلۋ بويىنشا ء«بىر تەرەزەنى» ەنگىزۋ;
ققس تولەۋشىسى رەتىندە تىركەۋ ءبىر كۇننىڭ ىشىندە ەلەكتروندىق ءوتىنىم بويىنشا عانا جاسالادى;
حقكو-عا كەلمەي جەكە كابينەتتە كومپانيانىڭ ەلەكتروندىق تسيفرلىق قولتاڭباسىن الۋ;
جشس مۇشەلەرى اراسىندا داۋلاردى (تىعىرىقتى جاعدايلاردى) شەشۋ تەتىگىن ەنگىزۋ;
ەلەكتر جەلىلەرىنە قوسىلۋعا ءوتىنىشتى ەلەكتروندىق تۇردە بەرۋ جۇيەسىن ەنگىزۋ;
قمج باستاعانى تۋرالى مسقب باسقارماسىنا جانە جول پوليتسياسىنا حابارلاما بەرۋ ءراسىمىن الىپ تاستاۋ;
ساۋلەت-جوسپارلاۋ تاپسىرماسى, توپوگرافياسى جانە تەحنيكالىق شارتتارى بار جەر ۋچاسكەلەرىن بەرۋ;
تاۋەكەلى تومەن قۇرىلىس جوبالارىن مىندەتتى ساراپتامادان الىپ تاستاۋ.
«قابىلدانىپ جاتقان شارالار كاسىپكەرلىك الەۋەتتى اشۋعا, بيزنەس احۋالدى قالىپتاستىرۋعا مۇمكىندىك بەرەدى. ىسكەرلىك احۋالدى جاقسارتۋ شاعىن جانە ورتا كاسىپكەرلىكتىڭ ءوسۋىن قامتاماسىز ەتەدى, بۇل ەلدىڭ ەكونوميكالىق وسۋىنە جانە حالىقتىڭ ءال-اۋقاتىنىڭ جاقسارۋىنا جاردەمدەسەدى», — دەدى ۆيتسە-مينيستر.
كاسىپكەرلىك قىزمەت جونىندەگى زاڭناما 2014 جىلى كاسىپكەرلىك قىزمەتتى مەملەكەتتىك رەتتەۋ تۇجىرىمداماسىن, ال 2015 جىلى كاسىپكەرلىك كودەكستى قابىلداي وتىرىپ رەفورمالانعان بولاتىن. سونىمەن قاتار, 5 جىل بويى «Doing Business» رەيتينگى شەڭبەرىندە بيزنەستى دامىتۋ ءۇشىن قولايلى جاعداي جاساۋعا باعىتتالعان زاڭنامالىق باستامالاردىڭ 7 توپتاماسى قابىلداندى.
ء«بىز وسىمەن توقتاپ قالمايمىز, ءبىزدىڭ ءورشىل ماقساتىمىز – قازاقستاندا بيزنەس ءۇشىن ەڭ ۇزدىك جاعدايدى جاساۋ جانە “Doing Business” رەيتينگىنىڭ توپ-20 ۇزدىك ەلدەرىنىڭ حالىقارالىق باعاسىن الۋ», — دەپ تۇيىندەدى ۇلتتىق ەكونوميكا ۆيتسە-ءمينيسترى جاسلان ماديەۆ.