جاس رەجيسسەر رامازان حاليوللانىڭ قىسقامەتراجدى «دومبىرا» ءفيلمى نيۋ-دەلي قالاسىندا وتكەن حVIII حالىقارالىق قىسقامەتراجدى فيلمدەر كينوفەستيۆالىندە (Delhi Shorts International Film Festival) «ۇزدىك فيلم» جۇلدەسىن جەڭىپ الدى.
مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» اق-نىڭ «دەبيۋت» شىعارماشىلىق-وندىرىستىك بىرلەستىگى تۇسىرگەن بۇل فيلم دومبىرانىڭ قۇلاعىندا ويناپ, ۇلكەن ساحنادا ونەر كورسەتۋدى ارمانداعان اسەت دەگەن بالانىڭ ءومىرىن باياندايدى. جارتى ساعاتتىق ءفيلمنىڭ ستسەناريىن جازعان رامازان حاليوللا جانە جانات جايلىباي.
ايتا كەتسەك, اتالعان كينوتۋىندى بيىل الماتىدا وتكەن IV حالىقارالىق Baiqonyr ISFF كينوفەستيۆالىنىڭ كونكۋرستان تىس باعدارلاماسىندا كورسەتىلىپ, «برودۆەيدىڭ تاڭداۋى» سىيلىعىن العان.
نيۋ-دەليدەگى DSIFF حالىقارالىق كينوفەستيۆالى العاش رەت 2012 جىلى وتكەن بولاتىن. ۇيىمداستىرۋشىسى – Miniboxoffice ءۇندى كومپانياسى. بيىل فەستيۆالدىڭ حالىقارالىق قازىلار القاسىن يسپان رەجيسسەرى ۆيكتور مانۋەل لوپەسمۋنوس باسقاردى. سونىمەن قاتار, قازىلار القاسى قۇرامىندا: پروديۋسەر ۆيكتوريا سيل (جاپونيا), رەجيسسەر راكەل رۋيز (ارگەنتينا), رەجيسسەر پراشانت سەگال ء(ۇندىستان) بولدى.
الماتى