ماڭعىستاۋ وبلىسى پوليتسيا دەپارتامەنتىندە «Eurasian Expert Couneil» قوعامدىق قورىنىڭ پرەزيدەنتى چ.لەپسيباەۆتىڭ ۇسىنىسىمەن مەملەكەتتىك جانە ازاماتتىق قوعامنىڭ ءوزارا ءىس-قيمىل سەمينار-ترەنينگى ءوتتى. بۇل تۋرالى ماڭعىستاۋ وبلىسى پوليتسيا دەپارتامەنتىنىڭ ءباسپاسوز قىزمەتى حابارلادى.
شاراعا دەپارتامەنت باستىعىنىڭ ورىنباسارى پوليتسيا پولكوۆنيگى ب.اقشاۋوۆ, جەكە قۇرام, سونداي-اق قوعامدىق قور جانە وزگە دە مەكەمە وكىلدەرى قاتىستى.
جوبا شەڭبەرىندە ازىرلەنگەن قوعامدىق قور جانە ىشكى ىستەر مينيسترلىگى ىنتىماقتاستىعىنىڭ تۇجىرىمداماسى جوباسىنا قاتىستى ءارتۇرلى باعىتتار بويىنشا, ونىڭ ىشىندە قۇقىق بۇزۋشىلىق پروفيلاكتيكاسى, تۇرمىستىق زورلىق-زومبىلىق ماسەلەلەرى قارالدى.
سەمينار سپيكەرلەرى «ماڭعىستاۋ وبلىستىق تۇتىنۋشىلاردىڭ قۇقىقتارىن قورعاۋ قوعامى» اق پرەزيدەنتى رافيكوۆا نيكار تۇتىنۋشىلاردىڭ قۇقىقتارىن قورعاۋ سالاسىنداعى پوليتسيا جانە ۇەۇ دەپارتامەنتىنىڭ ءوزارا ءىس-قيمىلى تۋرالى, قازاقستان حالقى اسسامبلەياسى توراعاسىنىڭ ورىنباسارى پۋلاتوۆ شەرزود مەملەكەت پەن ازاماتتىق قوعامنىڭ ءوزارا قارىم-قاتىناستارى جۇيەسىندەگى قحا تۋرالى, «ماڭعىستاۋ وبلىسىنىڭ ازاماتتىق اليانسى» زتق پرەزيدەنتى احمەتوۆا جىبەك, اقتاۋ قالاسىنىڭ «Qorgau» جوباسىنىڭ زاڭگەرى نۇرجانوۆ مۇسا جوبا جۇمىسى تۋرالى ايتىپ ءوتتى.
سەمينار بارىسىندا ش. لەپسىباەۆ «GR - مەملەكەتتىك باسقارۋ, مەملەكەتتىك باسقارۋ تاريحى دەگەن نە؟» تاقىرىبىندا ءدارىس وقىدى.
سەمينار سوڭىندا قاتىسۋشىلارعا سەرتيفيكات بەرىلدى.
ماڭعىستاۋ وبلىسى