جاڭاوزەن قالاسىندا «كاسىپ ءتۇبى-ءناسىپ» جوباسى شەڭبەرىندە «باستا» فورۋمى ۇيىمداستىرىلدى. مودەراتور - «اتامەكەن»قازاقستان رەسپۋبليكاسىنىڭ ۇكپ باسقارۋشى ديرەكتور-جاپپاي كاسىپكەرلىك جانە ميكرو قارجىلاندىرۋ دەپارتامەنتىنىڭ ديرەكتورى باۋىرجان ورازعاليەۆ.
فورۋمعا وبلىسقا بەلگىلى كاسىپكەرلەر جالعاس داۋلەتوۆ, نۇرجان ەدىلوۆ, ايگۇل ءىلياسوۆا قاتىسىپ, قالا كاسىپكەرلەرىنە, ستۋدەنتتەر مەن جوعارى سىنىپ وقۋشىلارىنا ءوز جەتىستىگىنىڭ قۇپياسىن اشتى.
-قازىر قازاقستان بويىنشا 22 دۇكەنىمىز بار. 7 دۇكەندى اشقان سوڭ, قالعانىن فرانشيزا باعدارلاماسىمەن بەردىم. العاش رەت اقتاۋدان سوڭ جاڭاوزەننەن كاسىپ باستاعان سوڭ, بۇل قالا ماعان ىستىق. جەتىستىككە جەتۋ جولى وڭاي ەمەس. ءبىز ءوز قاتەلىگىمىزدەن ساباق الىپ, ۇيرەنگەن كاسىپكەرلەرمىز. قازىرگىدەي بيزنەس ترەنەرلەر دە بولعان جوق. بيزنەس باستاۋ ءۇشىن كوپ قاراجات, ۇلكەن اۋماقتى ورىن, كوپ تاۋار قاجەت دەپ ويلاساڭىز, قاتەلەسەسىز. ءبىز دە 500 ش.م. ساۋدا الاڭىمەن باستاپ, ونى 10 ەسە 50 ش.م. كىشىرەيتىپ, 14 ساتۋشى-قىزمەتكەردى 3-كە ازايتىپ, شىعىندى ۇنەمدەدىك. بيزنەس ءۇشىن تەز ساتىلاتىن از تاۋار بولسا جەتكىلىكتى. بيزنەستە ماڭىزدىسى-ۋاقىت ۇتۋ. تاۋار كوپ ۋاقىتتى, اقشانى ۇستاپ تۇرماۋى كەرەك. 60-70 ملن تگ جۇمسايتىن ۇلكەن دۇكەندەردەن گورى 6-7 ملن تگ. جۇمسايتىن كىشىگىرىم ساۋدا ورنى, وتپەيتىن تاۋاردى تىزىمنەن شىعارىپ, سۇرانىسقا يە زاتپەن تولىقتىرىپ وتىرۋ سياقتى قاراپايىم ينسترۋمەنتتەردى قولدانۋ كەرەك.تاۋاردىڭ سىرتقى الەنۋى مەن جارناما جاساۋ اسا ماڭىزدى, «Domino» دۇكەندەر جەلىسىنىڭ نەگىزىن قالاۋشى جالعاس داۋلەتوۆ.
كەزدەسۋ اشىق فورماتتا, سۇراق-جاۋاپ الماسۋ ارقىلى ءوتتى. زالداعى كورەرمەندەر كاسىپكەرلەرگە ستاۋشى مامانداردى تاڭداۋ, ۇيرەتۋ, وقىتۋ ادىستەرىن سۇرادى. ىسكەرلەر بولسا, ونىڭ جولىن ىزدەمەي قاراپايىم عانا ادىسىنە جۇگىنۋ قاجەتتىگىن ايتتى. ماسەلەن, الەۋمەتتىك جەلىلەرگە, ءتۇرلى توپتارعا مامان قاجەتتىگى تۋرالى تولاسسىز جازۋ, مەيلىنشە ۇمىتكەرلەردى كوپ جيناۋ. كوپتىڭ ىشىنەن قابىلەتتىلەرىن تاڭداۋ, بىلمەگەنىن ۇيرەتۋ ەڭ وڭاي ءادىس دەپ تابىس كىلتىمەن ءبولىستى. سونان سوڭ كوپشىلىك الدىنا شىققان «Baby bedding» برەندىنىڭ يەسى ايگۇل ءىلياسوۆا ماسكەۋدەن بىتىرگەن جوعارى ءبىلىم ماماندىعىن قويىپ, كاسىپ اشقانىن تىلگە تيەك ەتتى. وعان ۋاقىتتىڭ ءوزى سەبەپشى بولعان. اياعى اۋىر جانە كىشكەنتاي ەكى بالاسى بار كەلىنشەككە جۇمىسقا تۇرۋ وڭاي بولماعان. «سوسىن بۇرىننان بويىندا بار تىگىنشىلىك قابىلەتىمدى پايدالانىپ سابيلەرگە ارناپ كيىمدەر, كورپەلەر تىگىپ ساتا باستادىم. ونى الەۋمەتتىك جەلىلەرگە شىعارىپ, برەند دەڭگەيىنە كوتەردىم. ناقتى ماقسات پەن تاپجىلماس تالاپ بولسا, كەز-كەلگەن كاسىپتەن پايدا تابۋعا بولادى, دەيدى ول.
-«اتامەكەن» ۇكپ-ى «كاسىپ ءتۇبى-ءناسىپ» جاڭا جوباسىن جاڭاوزەندە جۇزەگە اسىرىپ جاتقانىن ەرەكشە اتاپ ءوتۋ كەرەك. كاسىپكەرلەرگە قيىندىقتى جەڭىپ, جەتىستىككە جەتۋگە بارلىق جاعداي جاسالعان, ەسىك اشىق. ماماندىقتى قايتا وقىپ الامىن دەسەڭىزدەر دە, مۇمكىندىك بار. «جاس كاسىپكەر» جوباسى بويىنشا ماڭعىستاۋ وبلىسىندا ەڭ كوپ قاتىسۋشى جاڭاوزەن قالاسىندا بولعانىن ايتىپ ءوتۋ كەرەك. كاسىپكەر بولامىن دەگەن ازاماتتار بولسا, نارىققا بەيىمدەلىپ, قورىقپاي كاسىپ باستاۋعا شاقىرامىن, دەيدى «كاسىپ ءتۇبى - ءناسىپ» جوباسىن «اتامەكەن»ۇكپ بىرىگىپ جۇزەگە اسىرۋشى جاڭاوزەن قالالىق اكىمدىگى تاراپىنان اكىم ورىنباسارى امانعالي نۇرداۋلەتوۆ.
شاراعا كەلگەن جوعارى سىنىپ وقۋشىلارىنا دا پايدالى اقپارات بەرىلدى. بيىلعى وقۋ جىلىنان باستاپ, بارلىق مەكتەپتەردە «كاسىپكەرلىك نەگىزدەرى» ءپانى وقىتىلىپ جاتىر. دەمەك, كاسىپ باستاۋدى مەكتەپ قابىرعاسىنان باستاپ ۇيرەنۋ, بيزنەس قىرلارىن يەگەرۋگە دەگەن جاس وركەننىڭ دە قىزىعۋشىلىعىن بايقاۋعا بولادى. فورۋم وتە قىزىقتى ءارى ناتيجەلى بولدى دەپ تاراستى قاتىسۋشىلار.