سىبايلاس جەمقورلىققا قارسى ءىس-قيمىل اگەنتتىگىنىڭ وكىلى ارمان بەردالين جانە رەسپۋبليكالىق ارنايى مونيتورينگ توبىنىڭ مۇشەسى, پرەزيدەنتتىڭ «التىن ساپا» سىيلىعىنىڭ يەگەرى, قۇرمەت وردەنى بەلگىسىنىڭ كوۆالەرى, رەسەي مەملەكەتىندە ەڭ العاشقى رەسەي ەتنو كوۋوركينگىن اشقان ەتنو ديزاينەر ىرزا تۇرسىنزادا جانە اۋماقتىق دەپارتامەنت باسشىسىنىڭ ءبىرىنشى ورىنباسارى سەرىك قانىبەكوۆ جاڭاوزەن قالاسىنىڭ «وزەنمۇنايگاز» اق قىزمەتكەرلەرىمەن كەزدەسۋ وتكىزدى.
كەزدەسۋ ماقساتى - حالىقتىڭ وي-پىكىرلەرىن تىڭداپ, جەمقورلىقتى الدىن الۋعا حالىقتىڭ سۇراقتارى مەن ۇسىنىستارىن نازارعا الا وتىرىپ, كورمەي, بىلمەي وتىرعان ماسەلەلەردى كەڭىنەن تالقىعا سالىپ, شەشۋ جولدارىن تابۋ.
ءوز سوزىندە ارمان بەردالين ورتالىق دەڭگەيدە قولعا الىنعان جوبالارعا جانە جىل باسىنان بەرى رەسپۋبليكا بويىنشا سىبايلاس جەمقورلىق دەرەكتەر بويىنشا ستاتيستيكالىق مالىمەتتەرگە توقتالىپ, سىبايلاس جەمقورلىققا قارسى ءىس-قيمىلدى ءتيىمدى جۇرگىزۋ ءۇشىن, قوعامدا سىبايلاس جەمقورلىققا قارسى مادەنيەتتى قالىپتاستىرۋدىڭ ماڭىزدىلىعىنا توقتالىپ ءوتتى.
رەسپۋبليكالىق ارنايى مونيتورينگتىك توبىنىڭ مۇشەسى ىرزا تۇرسىنزادانىڭ پىكىرىنشە ۇلت بولىپ ۇيىسۋدىڭ باستى تەتىگى – رۋحاني تاربيە, ياعني ادامزاتتىڭ بويىندا ادامگەرشىلىك, ادەپتىلىك, ادالدىق, ادىلدىك جانە پاراساتتىلىق سياقتى قاسيەتتەردى قالىپتاستىرۋ. سوندا عانا سىبايلاس جەمقورلىق سياقتى تەرىس قۇبىلىستىڭ قوعام ومىرىندە جولى كەسىلەدى.
سونداي-اق قوعامداعى ايەلدەردىڭ ورنى ەرەكشە ەكەنىن اتاپ ءوتىپ, ايەل وتباسى مۇشەلەرىن عانا ەمەس, اينالاسىن, قوعامدى تاربيەلەيتىنىن اتاپ ءوتتى.
شارا سوڭىندا اگەنتتىكپەن ارنايى مونيتورينگ توبىنىڭ وكىلدەرى قىزمەتكەرلەردىڭ سۇراقتارىنا جاۋاپ بەرىپ, ۇسىنىس-پىكىرلەرىن تىڭدادى.