سارسەنبى, 13 ناۋرىز 2013 6:24
2013 جىلعى 12 ناۋرىز استانا, ۇكىمەت ءۇيى
قازاقستان رەسپۋبليكاسى ۇكىمەتىنىڭ جانە قازاقستان رەسپۋبليكاسى ۇلتتىق بانكىنىڭ ەكونوميكالىق ساياساتتىڭ 2013 جىلعا ارنالعان نەگىزگى باعىتتارى تۋرالى مالىمدەمەسى تۋرالى
قازاقستان رەسپۋبليكاسى ۇكىمەتىنىڭ, قازاقستان رەسپۋبليكاسى ۇلتتىق بانكىنىڭ ەكونوميكالىق ساياساتى تۋرالى ەلدىڭ قالىڭ جۇرتشىلىعىن حاباردار ەتۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان قازاقستان رەسپۋبليكاسى ۇكىمەتىنىڭ جانە قازاقستان رەسپۋبليكاسى ۇلتتىق بانكىنىڭ ەكونوميكالىق ساياساتىنڭ 2013 جىلعا ارنالعان نەگىزگى باعىتتارى تۋرالى مالىمدەمەسى ماقۇلدانسىن.
2. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
سارسەنبى, 13 ناۋرىز 2013 6:24
2013 جىلعى 12 ناۋرىز استانا, ۇكىمەت ءۇيى
قازاقستان رەسپۋبليكاسى ۇكىمەتىنىڭ جانە قازاقستان رەسپۋبليكاسى ۇلتتىق بانكىنىڭ ەكونوميكالىق ساياساتتىڭ 2013 جىلعا ارنالعان نەگىزگى باعىتتارى تۋرالى مالىمدەمەسى تۋرالى
قازاقستان رەسپۋبليكاسى ۇكىمەتىنىڭ, قازاقستان رەسپۋبليكاسى ۇلتتىق بانكىنىڭ ەكونوميكالىق ساياساتى تۋرالى ەلدىڭ قالىڭ جۇرتشىلىعىن حاباردار ەتۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان قازاقستان رەسپۋبليكاسى ۇكىمەتىنىڭ جانە قازاقستان رەسپۋبليكاسى ۇلتتىق بانكىنىڭ ەكونوميكالىق ساياساتىنڭ 2013 جىلعا ارنالعان نەگىزگى باعىتتارى تۋرالى مالىمدەمەسى ماقۇلدانسىن.
2. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 12 ناۋرىزداعى № 228 قاۋلىسىمەن ماقۇلدانعان
قازاقستان رەسپۋبليكاسى ۇكىمەتى مەن قازاقستان رەسپۋبليكاسى ۇلتتىق بانكىنىڭ ەكونوميكالىق ساياساتتىڭ 2013 جىلعا ارنالعان نەگىزگى باعىتتارى تۋرالى مالىمدەمەسى
قازاقستان رەسپۋبليكاسىنىڭ ۇكىمەتى (بۇدان ءارى – ۇكىمەت) مەن قازاقستان رەسپۋبليكاسى ۇلتتىق بانكىنىڭ (بۇدان ءارى – ۇلتتىق بانك) 2012 جىلى جۇرگىزگەن ەكونوميكالىق ساياساتى الەمدىك ەكونوميكاداعى احۋالدىڭ كەرى اسەرىنە قاراماستان, ەلدە ەكونوميكا دامۋىنىڭ وڭ سەرپىنىن قامتاماسىز ەتۋگە جانە ماكروەكونوميكالىق جانە الەۋمەتتىك تۇراقتىلىقتى ساقتاۋعا مۇمكىڭدىك بەردى.
الدىن الا باعالاۋ بويىنشا 2012 جىلى ءجىو-ءنىڭ ناقتى ءوسۋى 5,0 %-دى قۇرادى, ونەركاسىپ ءونىمىنىڭ ءوندىرىسى 0,5 %-عا ءوستى.
ەكونوميكا سالالارىنداعى وڭ سەرپىن جانە ەلدەگى جوعارى تۇتىنۋشىلىق سۇرانىس قىزمەت كورسەتۋ سالاسىنىڭ 10 %-عا وسۋىنە ىقپال ەتگى.
جىلدىق ماندەگى ينفلياتسيا دەڭگەيى 6,0 %-دى قۇرادى, بۇل 2011 جىلدىڭ قورىتىندىسىنان 1,4 پايىزدىق تارماققا تومەن.
ەلدىڭ حالىقارالىق رەزەرۆى 17,9 %-عا ءوسىپ, 86,0 ملرد. اقش دوللارىن قۇرادى, ونىڭ ىشىندە ۇلتتىق قوردىڭ شەتەل ۆاليۋتاسىنداعى اكتيۆتەرى 32,4 %-عا, 57,8 ملرد. اقش دوللارىنا دەيىن ءوستى.
بانك سەكتورى قايتا قالپىنا كەلۋدىڭ تۇراقتى سەرپىنىن كورسەتۋدە. وتكەن جىلى بانكتەردىڭ اكتيۆتەرى 8,2 %-عا ءوستى, كرەديتتەر قولەمى 13,0 %-عا ۇلعايدى, دەپوزيتتەر 7,2 %-عا ءوستى.
2012 جىلى «عitسh» اگەنتتىگى قازاقستاننىڭ ەگەمەندى كرەديت رەيتينگىن «ۆۆۆ+»-قا دەيىن كوتەردى, بۇل باتىس ەلدەرىندەگى داعدارىس جاعدايىندا ەلىمىزدىڭ كرەديتتىك قابىلەتتىلىگىن كۋالاندىرادى.
رەسپۋبليكالىق بيۋدجەتتىڭ تاپشىلىعى 906,5 ملرد. تەڭگەنى نەمەسە ءجىو-گە شاققاندا 3%-دى قۇرادى.
2012 جىلى سىرتقى ساۋدا اينالىمى 9,8 %-عا ۇلعايدى. الدىن الا باعالاۋ بويىنشا تولەم تەڭگەرىمىنىڭ اعىمداعى شوتىنىڭ ءپروفيتسيتى 8.8 ملرد. اقش دوللارىن قۇرادى.
ەكونوميكانىڭ وسۋىنە ەل ازاماتتارىنىڭ الەۋمەتتىك ءال-اۋقاتى بارابار جاقسارۋدا. حالىقتىڭ ناقتى اقشالاي تابىسى 6,8%-عا ءوستى, ناقتى جالاقى 6,9%-عا ارتتى, ورتاشا ايلىق اتاۋلى جالاقى 101 مىڭ تەڭگەدەن استى.
جۇمىسسىزدىق دەڭگەيى جەلتوقساندا 5,3 % دەڭگەيىندە قالىپتاستى.
يندۋستريالاندىرۋ كارتاسىن, بيزنەستىڭ جول كارتاسى-2020 ءساتتى ىسكە اسىرۋ ەكونوميكانىڭ ءوسۋىن قولداۋعا جانە قوسىمشا جۇمىس ورىندارىن قۇرۋعا مۇمكىندىك بەردى.
قول جەتكىزىلگەن ناتيجەلەرگە قاراماستان, الەمدىك ەكونوميكاداعى احۋالدىڭ ناشارلاۋى ەكونوميكانىڭ ورنىقتى ءوسۋىن قامتاماسىز ەتۋ جونىندەگى مىندەتتەردى ورىنداۋعا قاۋىپ ءتوندىرۋى مۇمكىن.
داعدارىستان كەيىنگى ەلەۋلى قايتا قالپىنا كەلۋدەن كەيىن الەمدىك ەكونوميكا تاعى دا باسەڭدەدى. جاھاندىق ءوسۋدىڭ تومەن قارقىنى 2020 جىلعا دەيىن بولجانۋدا. حالىقارالىق ۆاليۋتا قورى 2013 جىلعى الەمدىك ەكونوميكانىڭ ءوسۋىن 3,5% دەڭگەيىندە بولجاپ وتىر, بۇل وتكەن جىلعى دەڭگەيدەن (3,2%) شامالى عانا جوعارى. عitch Ratings حالىقارالىق اگەنتتىگى دە 2013 جىلى الەمدىك ەكونوميكا ءوسۋىنىڭ بولجامىن بۇدان بۇرىن جاريالانعان 2,6 % بولجاممەن سالىستىرعاندا 2,4 %-عا دەيىن تومەندەتتى. سونىمەن قاتار, الەمدىك ەكونوميكاداعى تۇراقسىزدىقتىڭ قازاقستانعا كەرى اسەرى 2012 جىلمەن سالىستىرعاندا ءبىرشاما تومەن بولۋى كۇتىلۋدە.
وسىنداي جاعدايلاردا مەملەكەت باسشىسىنىڭ 2012 جىلعى 14 جەلتوقسانداعى «قازاقستان-2050» Cتراتەگياسى: قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىنىڭ نەگىزگى ەرەجەلەرىن ەسكەرە وتىرىپ, 2013 جىلى ەكونوميكالىق ساياساتتىڭ نەگىزگى باعىتتارى مىنالار بولادى:
پراگماتيكالىق ەكونوميكالىق ساياسات جۇرگىزۋ;
ءارتاراپتاندىرۋ نەگىزىندە ەكونوميكانى جاڭعىرتۋ;
3) الەۋمەتتىك جاڭعىرتۋ جانە جالپىعا ورتاق ەڭبەك قوعامىن قالىپتاستىرۋ;
تەڭگەرىمدەلگەن وڭىرلىك دامۋ;
ءتيىمدى مەملەكەتتىك باسقارۋ جۇيەسىن قالىپتاستىرۋ;
حالىقارالىق ينتەگراتسيا جانە ءوزارا ءىس-قيمىل.
پراگماتيكالىق ەكونوميكالىق ساياسات ەكونوميكانى ءارتاراپتاندىرۋ, كەڭ اۋقىمدى كاسىپكەرلىكتى تارتۋ, يننوۆاتسيالاردى جانداندىرۋ جانە جاڭا جۇمىس ورىندارىن قۇرۋ ارقىلى ەكونوميكانىڭ سەرپىندى ءوسۋىن 6% دەڭگەيىندە قامتاماسىز ەتۋگە باعىتتالاتىن بولادى.
ماكروەكونوميكالىق تۇراقتىلىق جاڭا سالىق-بيۋدجەت ساياساتىن جانە ەكونوميكالىق ءوسۋ ءۇشىن قولايلى ينفلياتسيا دەڭگەيىن ۇستاپ تۇرۋ ەسەبىنەن قامتاماسىز ەتىلەدى.
مەملەكەتتىك قارجى تۇراقتىلىعىن جانە شيكىزاتقا الەمدىك باعانىڭ قۇلدىراۋى كەزىندە بيۋدجەتتىڭ ورنىقتىلىعىن ارتتىرۋ ماقساتىندا تەڭگەرىمدەلگەن بيۋدجەت ساياساتى جۇرگىزىلەدى.
مەملەكەتتىك بورىشتى شامالى دەڭگەيدە ۇستاۋ جانە مەملەكەتتىك قارجى تۇراقتىلىعى ءۇشىن بيۋدجەت تاپشىلىعىن جانە ءجىو-گە قاتىستى مۇناي ەمەس تاپشىلىقتىڭ ءوسۋىن ۇستاپ تۇرۋ جوسپارلانۋدا. كۆازيمەملەكەتتىك سەكتور بورىشىنىڭ وسۋىنە باقىلاۋ قامتاماسىز ەتىلەدى.
كەپىلدەندىرىلگەن ترانسفەرت كولەمىندە قور قاراجاتىن پايدالانۋدى شەكتەۋ ارقىلى ۇلتتىق قوردا مۇناي كىرىستەرىن جيناقتاۋ ساياساتى جالعاساتىن بولادى.
سالىق ساياساتى ەكونوميكا دامۋىن ىنتالاندىرۋشى قۇرالداردىڭ ءبىرى بولادى جانە الەۋمەتتىك باعىتتىلىققا يە بولادى. سالىقتىق جەڭىلدىكتەردىڭ تيىمدىلىگىن ارتتىرۋ, ەكونوميكانىڭ شيكىزات ەمەس سەكتورلارىن جانە يننوۆاتسيالاردى دامىتۋداعى ىنتالاندىراتىن ءرولىن كۇشەيتۋ ماقساتىندا 2013 جىلى قولدانىستاعى سالىقتىق جەڭىلدىكتەرگە رەۆيزيا جۇرگىزىلەدى.
ورنىقتى ەكونوميكالىق ءوسۋدى قامتاماسىز ەتۋ ءۇشىن ەكونوميكانى جاڭارتۋ جانە ءارتاراپتاندىرۋ نەگىزىندە ەلدىڭ باسەكەگە قابىلەتتىلىگىن نىعايتۋ جالعاسىن تابادى.
ەكونوميكانى جاڭعىرتۋدىڭ نەگىزى ەلدى ۇدەمەلى يندۋستريالىق-يننوۆاتسيالىق دامىتۋدىڭ مەملەكەتتىك باعدارلاماسىن ىسكە اسىرۋدى جالعاستىرۋ, كلاستەرلىك ءتاسىلدى ەنگىزۋ جانە باستى ءرولى ساپالى ادامي فاكتوردىڭ ءرولىن جانە ءمانىن كۇشەيتۋ بولاتىن اقپاراتتىق قوعامدى دامىتۋ ءۇشىن نەگىز قۇرۋ بولىپ تابىلادى. ۇكىمەت رەسپۋبليكالىق يندۋستريالاندىرۋ كارتاسىنىڭ ءىرى جوبالارىن ىسكە اسىرۋعا شوعىرلانادى.
ينفراقۇرىلىمدىق ينتەگراتسيانى قامتاماسىز ەتۋ ءۇشىن قازاقستاننان تىس جەرلەرىندە وندىرىستىك كولىكتىك-لوگيستيكالىق وبەكتىلەر, وڭىردە بىرلەسكەن كاسىپورىندار قۇرىلاتىن بولادى.
2020 جىلعا دەيىنگى ەلدىڭ اگروونەركاسىپتىك كەشەنىن دامىتۋدىڭ جاڭا باعدارلاماسى شەڭبەرىندە اگرارلىق سەكتوردىڭ باسەكەگە قابىلەتتىلىگىن ارتتىرۋعا جانە اۋىل ەكونوميكاسىن دامىتۋعا باعىتتالعان اۋىل شارۋاشىلىعىن اۋقىمدى جاڭعىرتۋ باستالادى.
ەلدىڭ تابيعي رەسۋرستارىن ۇتىمدى پايدالانۋعا نەگىزدەلگەن ورنىقتى ەكونوميكالىق ءوسۋدى قامتاماسىز ەتۋ ماقساتىندا جاسىل ەكونوميكاعا كوشۋدىڭ ۇزاق مەرزىمدى ستراتەگياسى ازىرلەنۋدە. وسى جۇمىس شەڭبەرىندە تابيعي جانە سۋ رەسۋرستارىن باسقارۋدىڭ, ەنەرگيانى كوپ قاجەت ەتۋدى تومەندەتۋ مەن ەكونوميكانىڭ ەنەرگيا تيىمدىلىگىن ارتتىرۋدىڭ, جاڭارتىلاتىن ەنەرگيا كوزدەرىن دامپۋ مەن قورشاعان ورتانىڭ لاستانۋىن تومەندەتۋدىڭ قاعيداتتىق جاعىنان جاڭا جۇيەسىن قالىپتاستىرۋ باستالادى.
باقىلاۋ-رۇقسات بەرۋ پراكتيكاسىنىڭ جۇيەسىن وڭتايلاندىرۋ ارقىلى بيزنەس-احۋالدى جاقسارتۋ بويىنشا جۇمىس جالعاستىرىلادى. ازاماتتاردىڭ قاۋىپسىزدىگىنە تىكەلەي ىقپال ەتپەيتىن بارلىق رۇقساتتار حابارلاندىرۋلارمەن الماستىرىلادى.
«بيزنەستىڭ جول كارتاسى-2020» باعدارلاماسى شەڭبەرىندە ناقتى جۇمىس ورىندارىن قۇرۋعا باعدارلاي وتىرىپ, شاعىن جانە ورتا بيزنەستى كاسىپكەرلىكتى مەملەكەتتىك قولداۋ شارالارىمەن قامتۋدى كەڭەيتۋ جونىندەگى جۇمىس جالعاسادى.
ەلدىڭ ەكونوميكالىق ءوسۋىنىڭ نەگىزگى فاكتورى ەكونوميكانىڭ شيكىزاتتىق ەمەس سەكتورىنا ينۆەستيتسيالاردى تارتۋ بولۋى ءتيىس. ۇكىمەت ەلدە قولايلى ينۆەستيتسيالىق احۋالدى قۇرۋعا شوعىرلانادى.
ەكونوميكانىڭ الەۋمەتتىك ماڭىزى بار سەكتورلارىنا ينۆەستيتسيالاردى ىنتالاندىرۋ ماقساتىندا بيۋدجەتتىك جانە كونتسەسسيالىق زاڭناماعا قاجەتتى ەزگەرىستەر ەنگىزۋ ارقىلى مەملەكەتتىك-جەكە مەنشىك ارىپتەستىك تەتىكتەرىن پايدالانۋدى جەتىلدىرۋ جالعاساتىن بولادى.
ەكونوميكانىڭ ءوسۋىن ەسكەرە وتىرىپ, ازاماتتاردىڭ ءومىر ءسۇرۋ ساپاسىنىڭ ستاندارتتارىن كەزەڭ-كەزەڭىمەن جوعارىلاتۋ ءۇشىن ءتيىستى نەگىزدەمەلىك زاڭمەن رەگلامەنتتەلەتىن ەڭ تومەنگى الەۋمەتتىك ستاندارتتار جۇيەسىن قالىپتاستىرۋ جۇمىسى جۇرگىزىلۋدە.
ازاماتتاردىڭ زەينەتاقى جيناقتارىنىڭ ساقتالۋىن جانە كوبەيۋىن ارتتىرۋ ماقساتىندا بىرىڭعاي جيناقتاۋشى زەينەتاقى قورى قۇرىلاتىن بولادى.
ازىرلەنىپ جاتقان داعدارىسقا قارسى دەن قويۋدىڭ جول كارتاسى شەڭبەرىندە جۇمىسپەن قامتۋ-2020 باعدارلاماسىن ىسكە اسىرۋ قۇرالدارىن كەڭەيتۋ داعدارىس باستالعان جاعدايدا جۇمىسپەن قامتۋدى جانە ەكونوميكانىڭ ءوسۋىن قامتاماسىز ەتۋگە مۇمكىندىك بەرەدى.
قازاقستاندىقتاردىڭ ءومىر ءسۇرۋ ساپاسىن جاقسارتۋ ءۇشىن «قولجەتىمدى تۇرعىن ءۇي-2020» باعدارلاماسىن ىسكە اسىرۋ جالعاسىن تابادى.
وڭىرلىك ساياسات ەكونوميكالىق ءوسۋ ورتالىقتارى: اگلومەراتسيالار, 2-دەڭگەيدەگى تىرەك قالالاردى (وبلىس ورتالىقتارى) جانە 3-دەڭگەيدەگى قالالاردى (مونوقالالار جانە شاعىن قالالار), سونداي-اق تىرەك ەلدى مەكەندەردى قالىپتاستىرۋعا باعىتتالادى. مونوقالالاردى دامىتۋ باعدارلاماسىن ىسكە اسىرۋ بەلسەندى فازاعا كوشەدى.
وسى جىلى مەملەكەتتىك باسقارۋ جۇيەسىندە ەلەۋلى رەفورمالاردى ىسكە اسىرۋ جالعاساتىن بولادى. جەرگىلىكتى ءوزىن-ءوزى باسقارۋدى دامىتۋ تۇجىرىمداماسىن ىسكە اسىرۋ ءۇشىن تومەنگى باسقارۋ دەڭگەيلەرىنىڭ قارجىلىق دەربەستىلىگىن كەڭەيتۋ, تومەنگى دەڭگەيدەگى اكىمدەردى ءماسليحاتتاردىڭ سايلاۋىن ەنگىزۋ, سونداي-اق جەرگىلىكتى ماڭىزى بار ماسەلەلەردى شەشۋدەگى حالىقتىڭ ءرولىن ارتتىرۋ ءۇشىن ءتيىستى زاڭ جوباسى ازىرلەنەتىن بولادى.
مەملەكەتتىك باسقارۋ دەڭگەيلەرى اراسىندا وكىلەتتىكتەردىڭ اراجىگىن اجىراتۋ ماسەلەلەرى بويىشپا قازاقستان رەسپۋبليكاسىنىڭ زاڭىن قابىلداۋ قايتالاۋعا جول بەرمەۋگە, سونداي-اق جەكەلەگەن وكىلەتتىكتەردى ورتالىقتان وڭىرلەرگە بەرۋگە مۇمكىندىك بەرەدى.
حالىققا جانە بيزنەسكە كورسەتىلەتىن مەملەكەتتىك قىزمەتتەردىڭ ساپاسىن ارتتىرۋ جونىندەگى جۇمىس جالعاساتىن بولادى. مەملەكەتتىك قىزمەتتى ودان ءارى كاسىبيلەندىرۋگە جانە ءاربىر قىزمەتكەر جۇمىسىنىڭ تيىمدىلىگىن ارتتىرۋعا باسا نازار اۋدارىلاتىن بولادى.
مەملەكەتتىك اكتيۆتەردى باسقارۋ تيىمدىلىگىن ارتتىرۋ شەڭبەرىندە كۆازيمەملەكەتتىك سەكتور سۋبەكتىلەرىن وڭتايلاندىرۋ جونىندەگى جۇمىس جۇرگىزىلىپ, مەملەكەت قاتىساتىن جەكەشەلەندىرۋگە جاتاتىن كاسىپورىندار تىزبەسى ايقىندالادى. بۇدان باسقا, «حالىقتىق ءىرو» باعدارلاماسى ودان ءارى دامىتىلادى.
قازاقستان ەكونوميكاسىن بىرىڭعاي ەكونوميكالىق كەڭىستىك (بۇدان ءارى – بەك) جانە كەدەن وداعى (بۇدان ءارى – كو) شەڭبەرىندەگى ينتەگراتسيا شارتتارىنا بەيىمدەۋ ماقساتىندا تاۋارلاردىڭ يمپورتى مەن ەكسپورتى كەزىندەگى كەدەرگىلەردى جويۋ, سونداي-اق وتاندىق وندىرۋشىلەردىڭ مۇددەلەرىن قورعاۋ جانە ىلگەرىلەتۋ بويىنشا كۇش-جىگەر سالىنادى.
اعىمداعى جىل كو جانە بەك تەتىكتەرىنىڭ قالىپتاسۋى ءۇشىن ماڭىزدى بولادى. الدا بەك قۇقىقتىق بازاسىن دامىتۋ جونىندەگى كۇنتىزبەلىك جوسپاردى ىسكە اسىرۋ, كو جانە بەك حالىقارالىق شارتتارىن كوديفيكاتسيالاۋ, ينتەگراتسيالىق پروتسەستەردى ودان ءارى دامىتۋ باعىتتارىن پىسىقتاۋ بويىنشا جۇمىستىڭ نەگىزگى كولەمىن ورىنداۋ تۇر.
استانادا ەكسپو-2017 حالىقارالىق كورمەسىن وتكىزۋ جونىندەگى ۇيىمداستىرۋ ءىس-شارالارى شەڭبەرىندە حالىقارالىق كورمە بيۋروسىنىڭ اتقارۋشى كوميتەتىندە تىركەۋ دەرەكناماسىنىڭ تۇساۋكەسەرى ءوتىپ بەكىتىلەدى.
ۇلتتىق بانك قازاقستان رەسپۋبليكاسىندا باعا تۇراقتىلىعىن قامتاماسىز ەتۋگە باعىتتالعان ءتيىمدى اقشا-كرەديت ساياساتىن جۇرگىزەتىن بولادى.
بۇدان باسقا, ۇلتتىق بانك قارجى سەكتورىنىڭ تۇراقتىلىعىن قامتاماسىز ەتۋگە جاردەمدەسۋ, قارجى قىزمەتتەرىن تۇتىنۋشىلاردىڭ قۇقىعىن قورعاۋدى كۇشەيتۋ جانە ولاردىڭ قارجىلىق ساۋاتتىلىق دەڭگەيىن جوعارىلاتۋ جونىندەگى جۇمىسىن جالعاستىرادى.
اقشا-كرەديت ساياساتى سالاسىندا 2013 جىلعا ارنالعان نەگىزگى پەرسپەكتيۆالىق باعىت وتىمدىلىكتى ۇسىنۋ/الۋ بويىنشا تۇراقتى تەتىكتەرگە, اشىق نارىقتاعى وپەراتسيالارعا ارنالعان تاسىلدەر وزگەرىسى شەڭبەرىندە ترانسميسسيالىق تەتىكتەردى كەزەڭ-كەزەڭىمەن جەتىلدىرۋ بولىپ تابىلادى.
ۆاليۋتالىق ساياسات قازاقستاندىق ەكونوميكانىڭ ىشكى جانە سىرتقى باسەكەگە قابىلەتتىلىگى اراسىنداعى تەڭگەرىمدى قامتاماسىز ەتۋگە باعىتتالاتىن بولادى. ۇلتتىق بانكتىڭ ىشكى ۆاليۋتالىق نارىققا قاتىسۋى ەكونوميكانىڭ ودان ءارى تۇراقتى دامۋى ءۇشىن قاجەتتى جاعدايدى قامتاماسىز ەتە وتىرىپ, ەڭ از بولىپ قالادى.
قارجى سەكتورىنىڭ تۇراقتىلىعىن قامتاماسىز ەتۋگە جاردەمدەسۋ شەڭبەرىندە بانكتەر اكتيۆتەرىنىڭ تومەن ساپاسىنىڭ پروبلەمالارىن شەشۋ جونىندەگى جۇمىس جۇرگىزىلەتىن بولادى. ۇلتتىق بانك بانكتەردىڭ كۇماندى جانە ءۇمىتسىز اكتيۆتەردى وسىنداي اكتيۆتەردى باسقارۋعا مامانداندىرىلعان ۇيىمدارعا ساتۋى (بەرۋى) بويىنشا قاجەتتى جاعدايلار جاساۋدى, سونداي-اق ءۇمىتسىز بەرەشەكتى كەشىرۋ ءتارتىبىن جەڭىلدەتەتىن تەتىكتى ەنگىزۋدى قامتيتىن شارالار كەشەنىن ىسكە اسىرۋدى جالعاستىراتىن بولادى. ءۇمىتسىز بەرەشەكتى «تازارتۋ» بويىنشا ەرتە دەن قويۋ جانە ۋاقتىلى شارالار قابىلداۋ ماقساتىندا 2013 جىلدان باستاپ بانكتەردىڭ نەسيە پورتفەلىندەگى جۇمىس ىستەمەيتىن قارىزداردىڭ ۇلەسىنە شەكتى ءمان ەنگىزىلەدى, ول 2013 جىلعى 1 قاڭتاردان باستاپ 20 %-دان, 2014 جىلعى 1 قاڭتاردان باستاپ 15 %-دان اسپايدى.
بانك سەكتورىنىڭ تۇراقتى جۇمىس ىستەۋى, سونداي-اق كرەديتتىك بەلسەندىلىكتىڭ ءوسۋى ەكونوميكانىڭ باسىم سەكتورلارىن ودان ءارى دامىتۋعا جانە كرەديتتەۋدى كەڭەيتۋ مەن ەكونوميكالىق ءوسۋدى ىنتالاندىرۋعا ىقپال ەتەتىن بولادى.
2013 جىلى ۇكىمەت پەن ۇلتتىق بانك جۇرگىزەتىن ەكونوميكالىق ساياسات 6 % دەڭگەيىندەگى ورنىقتى ەكونوميكالىق ءوسۋدى جانە ينفلياتسيا اياسىن نىسانالى 6-8% دەڭگەيىندە ساقتاۋدى كامتاماسىز ەتۋگە مۇمكىندىك بەرەدى.