بۇل تۋرالى elbasy.kz حابارلادى.
كەزدەسۋ بارىسىندا قازاقستاننىڭ تۇڭعىش پرەزيدەنتىنە ۇلتتىق عىلىم اكادەمياسىنىڭ قازىرگى قىزمەتى مەن عىلىم سالاسىنداعى حالىقارالىق ىنتىماقتاستىقتى دامىتۋ بويىنشا قابىلدانىپ جاتقان شارالار تۋرالى مالىمەت بەرىلدى.
– ءبىز حالىقارالىق اليانستارعا كىرۋ باعىتىندا جۇمىس ىستەپ جاتىرمىز. جاس عالىمدارىمىز سەرىكتەس ەلدەردە تاجىريبەدەن وتۋگە مۇمكىندىك الاتىن كەلىسىمدەر جاسالۋدا, دەدى م.جۇرىنوۆ.
سونىمەن قاتار, نۇرسۇلتان نازارباەۆقا «بەلدەۋ جانە جول» حالىقارالىق عىلىمي ۇيىمدارى اليانسى اياسىنداعى قر ۇلتتىق عىلىم اكادەمياسىنىڭ قىزمەتى تۋرالى اقپارات ۇسىنىلدى.
– بىلتىر بەيجىڭدە الەمنىڭ 47 جەتەكشى ەلىنىڭ اكادەميالارى كىرەتىن عىلىمي ۇيىمداردىڭ ەڭ ءىرى اليانسى قۇرىلدى. ءبىز دە وسى بىرلەستىكتىڭ ءبىر بولىگىنە اينالدىق. وسىلايشا, عالىمدارىمىز ءتۇرلى باعىتتاردا ءىرى جوبالارمەن جۇمىس ىستەۋگە قوسىمشا مۇمكىندىك الدى, دەدى م.جۇرىنوۆ.