«مەملەكەت باسشىسىنىڭ 2019 جىلعى 2 قىركۇيەكتەگى «سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋى, قازاقستان رەسپۋبليكاسىنىڭ ىشكى ىستەر ورگانىن جاڭعىرتۋ جونىندەگى 2019-2021 جىلدارعا ارنالعان.
جول كارتاسىن ىسكە اسىرۋ شەڭبەرىندە قازاقستاندىق پوليتسياسى قىزمەتكەرلەرىنىڭ جاڭا كەلبەتىن قالىپتاستىرۋ, پوليتسيا مەن قوعامنىڭ ءوزارا ءىس-قيمىل جاساۋى, ءپاتريوتيزمدى ناسيحاتتاۋ باعىتىنداعى ءىس-شارالاردى ۇيىمداستىرۋ ماقساتىندا قۇرىلعان ماڭعىستاۋ وبلىسى پوليتسيا دەپارتامەنتىنىڭ اقپاراتتىق-ناسيحات توبى قاراقيا اۋدانىنا جول تارتتى.
ايتا كەتەيىك, اتالعان توپ رەسپۋبليكا بويىنشا العاشقىلاردىڭ ءبىرى بولىپ جۇمىسىن باستاپ كەتتى جانە وبلىس اۋماعىنداعى قالا مەن اۋداندارعا باراتىن بولادى. دەپارتامەنت باسشىسى ق.تايمەردەنوۆ باستاعان توپ قۇرىق اۋىلىنا كەلدى. پوليتسيا باسشىسى اۋدان تۇرعىندارىن قابىلداپ, ماسەلەلەرىن تىڭدادى. ىشكى ىستەر ورگانىندا قىزمەت بابىندا قازا تاپقان قىزمەتكەرلەردىڭ وتباسىلارىنا بارىپ, مارقۇم ارىپتەستەردىڭ رۋحىنا قۇران باعىشتادى. قاراقيا اۋدانى پوليتسيا ءبولىمىنىڭ قىزمەتكەرلەرى تۇراتىن جاتاقحانانى كورىپ, جاعدايىمەن تانىستى. اۋداندىق مادەنيەت ۇيىندە ق.تايمەردەنوۆ حالىققا قوعامدىق-ساياسي مەن كريمينوگەندىك احۋالدىڭ ءبىر قالىپتى ەكەندىگىن اتاپ, 9 اي قورىتىندىسى بويىنشا ەسەپ بەردى. الداعى ۋاقىتتا اۋداندىق پوليتسيا ءبولىمى مەن اۋىلدىق بولىمشەلەرىندە فرونت-كەڭسەلەرى اشىلىپ, جۇمىستارىن جۇرگىزەتىنىن ايتىپ ءوتتى جانە جوسپارلارىمەن ءبولىستى. سونىمەن قاتار ىشكى ىستەر ورگاندارىنىڭ ەڭسەسىن كوتەرىپ, قازاقستاندىق ءپاتريوتيزمدى ناسيحاتتاۋ, ازاماتتاردىڭ قۇقىقتارى مەن بوستاندىقتارىن جانە تارتىپتەرىن قامتاماسىز ەتۋدە قوسقان ۇلەسى ءۇشىن بىرقاتار اۋدان تۇرعىندارى مەن جەرگىلىكتى اتقارۋشى ورگانداردىڭ قىزمەتكەرلەرىن العىس حاتتارمەن ماراپاتتادى, ونىڭ ىشىندە ءىىو ارداگەرى, زەينەتكەر ەكىباەۆ ءىلياس بەكمىرزا ۇلى دا بار. سونداي-اق, پوليتسيا قىزمەتكەرلەرىنە ارناۋلى اتاقتار بەردى.
قاراقيا اۋدانىنىڭ اكىمى بەكوۆ قىدىربەردى ءاندىر ۇلى ءوز كەزەگىندە اقپاراتتىق-ناسيحاتتاۋ توبىنىڭ جۇمىسىنا ريزاشىلىعىن ءبىلدىرىپ, اۋدان كولەمىندە قۇقىقتىق ءتارتىپتى قامتاماسىز ەتۋدە قوسقان ۇلەسى ءۇشىن قاراقيا اۋدانى پوليتسيا ءبولىمىنىڭ قىزمەتكەرلەرىن االعىس حاتتارىمەن ماراپاتتادى. كەزدەسۋ سوڭىندا پوليتسيا دەپارتامەنتىنىڭ ۇيىمداستىرۋىمەن كونتسەرت ءوتتى.