نۇر-سۇلتان قالاسىندا «STOP تۋبەركۋلەز!» اكتسياسى باستالعان ءبىر اپتانىڭ ىشىندە استانادا 1775 ادام جىلجىمالى فليۋوروگرافتاردىڭ كومەگىمەن پروفيلاكتيكالىق فليۋوروگرافيالىق تەكسەرۋلەردەن ءوتتى, دەپ حابارلايدى http://astana.gov.kz.
ەسكە سالا كەتەيىك, 23-ءشى قىركۇيەكتەن باستاپ نۇر-سۇلتان قالاسى اكىمدىگىنىڭ قوعامدىق دەنساۋلىق ساقتاۋ باسقارماسى مەن قالالىق فتيزيوپۋلمونولوگيا ورتالىعى قولداۋىمەن «STOP تۋبەركۋلەز!» اتتى اۋقىمدى قالالىق اكتسياسى باستادى.
اكتسيانىڭ ماقساتى – قالا تۇرعىندارى مەن قوناقتارىنا تۋبەركۋلەزگە زەرتتەۋدى ۋاقىتىندا ءوتۋ جانە اۋرۋ جونىندەگى اقپاراتتى ارتتىرۋ. 1 قازانعا دەيىن قالادا 4 جىلجىمالى فليۋوروگرافتاردىڭ كومەگىمەن كۇندەلىكتى تۇردە نارىقتاردا (ۇلجان, بيگشانحاي), ساۋدا ۇيلەرى مەن ورتالىقتارىندا (داۋلەت, استانالىق بازار, الەم, جاننۇر, دجاففار, باحۋس, ەۆرازيا, ارۋجان), تۇرعىن اۋدانداردا پروفيلاكتيكالىق تەكسەرۋلەر وتكىزىلدى. ءبىرىنشى اپتادا بارلىعى 1775 ادام جىلجىمالى فليۋوروگرافتاردىڭ كومەگىمەن پروفيلاكتيكالىق فليۋوروگرافيالىق تەكسەرۋلەردەن ءوتتى.
تەكسەرۋدەن بولەك, حالىقپەن اڭگىمەلەسۋ جۇرگىزىلىپ, اۋرۋدىڭ الدىن الۋى جانە العاشقى سيمپتومدارى, ۋاقىتىندا انىقتاۋدىڭ تاسىلدەرى تۋرالى اقپارات بەرىلدى. بۇعان قوسا, 7268 ادامعا تۋبەركۋلەز جانە مىندەتتى الەۋمەتتىك مەديتسينالىق ساقتاندىرۋ تۋرالى ساۋالناما جۇرگىزىلدى. سونداي-اق قالالىق ەمحانالاردا تۋبەركۋلەز سۇراقتارى بويىنشا اشىق ەسىك كۇندەرى وتكىزىلدى. اۋرۋ بويىنشا كونسۋلتاتسيادان 436 ادام, تۋبەركۋلەزگە دەگەن ءبىلىمى تۋرالى ساۋالنامالاردان 1281 ادام, فليۋوروگرافيالىق تەكسەرۋلەردەن 2261 ادام ءوتتى.
ايتا كەتەيىك, 1 قازاننان باستاپ 4 ۇلكەن جوعارى وقۋ ورىندارىندا ستۋدەنتتەرگە تەكسەرۋلەر جۇرگىزىلۋى باستالدى: استانا مەديتسينا ۋنيۆەرسيتەتى, س.سەيفۋللين اتىنداعى قازاق اگروتەحنيكالىق ۋنيۆەرسيتەتى, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى, م.س. نارىكباەۆ اتىنداعى قازاق گۋمانيتارلىق-زاڭ ۋنيۆەرسيتەتى. «STOP تۋبەركۋلەز!» اكتسياسى 23 قازانعا دەيىن جالعاسادى. ەمحانالارداعى اشىق ەسىك كۇندەرى مەن ساۋدا ورتالىقتارىندا, قالا بازارلارىندا, ءارتۇرلى تۇرعىن اۋدانداردا فليۋوروگرافيالىق تەكسەرۋلەردى وتكىزۋ كەستەسىن https://uoz.astana.kz رەسمي سايتىنان قاراي الاسىز.