تەمىرتاۋ قالاسىندا وتكەن رەسپۋبليكالىق «جۇلدىز-2019» ەسترادالىق ءان بايقاۋىندا اقمولا, الماتى, تۇركىستان, قىزىلوردا, شىعىس قازاقستان, باتىس قازاقستان, اتىراۋ, پاۆلودار, جامبىل, قاراعاندى وبلىستارىنان جانە نۇر-سۇلتان, الماتى, شىمكەنت قالالارىنان كەلگەن 25 ورىنداۋشى باق سىنادى.
جاس انشىلەردىڭ ونەرىن قازاقستان رەسپۋبليكاسىنىڭ ەڭبەك سىڭىرگەن ءارتىسى ليۋتسيا تولەشەۆا, قازاقستان رەسپۋبليكاسىنىڭ ەڭبەك سىڭىرگەن قايراتكەرى ساكەن مايعازيەۆ, «مادەنيەت سالاسىنىڭ ۇزدىگى» ءتوس بەلگىسىنىڭ يەگەرى گۇلميرا جۋكۋپباەۆا جانە باسقالار باعالادى.
ارقا ءتوسىن ەكى كۇن بويى انگە بولەگەن بايقاۋدىڭ باس جۇلدەسى تۇركىستان وبلىسىنان كەلگەن باحتيار اقىلبەككە بۇيىردى. ءبىرىنشى جۇلدەگە شىعىسقازاقستاندىق ءانشى ءاليا اكەنوۆا لايىقتى دەپ تانىلسا, ەكىنشى جانە ءۇشىنشى جۇلدەلەردى, تيىسىنشە الماتىدان كەلگەن ەلدار وماروۆ پەن شىمكەنتتىك ديدار ابدۋحالىق ءوزارا ءبولىستى.
رەسپۋبليكالىق «جۇلدىز-2019» ەسترادالىق ءان بايقاۋىنىڭ جەڭىمپازدارى مەن جۇلدەگەرلەرى ماقتاۋ قاعازدارىمەن جانە ەستەلىك مۇسىنشىلەرمەن ماراپاتتالدى.