قازاقستان قارۋلى كۇشتەرىنىڭ اسكەري بولىمدەرى ەندىگى ۋاقىتتا قازاقستاندىق ارميا تاريحىندا ماڭىزدى ءرول اتقارعان قۇرمەتتى اسكەري قىزمەتشىلەردىڭ ەسىمىمەن اتالاتىن بولادى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
وسكەمەن قالاسىنداعى اسكەري بولىمگە حالىق قاھارمانى پولكوۆنيك قاسىم قايسەنوۆتىڭ ەسىمى بەرىلدى.
وفيتسەر قايسەنوۆ ءى جانە ءىى دارەجەلى وتان سوعىسىنىڭ, «چەحوسلوۆاكيا پارتيزاندارى» وردەندەرىمەن, جاۋ تىلىندا پارتيزاندىق ۇرىستى جۇرگىزىپ, 60 ادامنان قۇرالعان پارتيزاندىق جاساقتى قۇرعانى ءۇشىن ءىىى دارەجەلى «بوگدان حمەلنيتسكي» وردەنىمەن ناگرادتالعان. سۇراپىل سوعىستان كەيىن قاسىم قايسەنوۆ وتانعا ورالىپ, قازاق كسر جوعارى كەڭەسىنىڭ پرەزيديۋم اپپاراتىندا, «جازۋشى» جانە «قاينار» باسپالارىندا قىزمەت ەتتى. سوعىستان كەيىنگى اۋىل شارۋاشىلىعىن قالپىنا كەلتىرۋ جۇمىسىنا قاتىستى. قاسىم قايسەنوۆ – ۇلى وتان سوعىسىنداعى قيىن-قىستاۋ كەزەڭدەر مەن قاراپايىم جاۋىنگەرلەردىڭ ەرلىكتەرىن شىنايى باياندايتىن كوپتەگەن شىعارمالاردىڭ اۆتورى. ولاردىڭ ىشىندە «جاس پارتيزان», «پارتيزان سوقپاقتارى», «اجال اۋزىندا» سىندى تانىمال تۋىندالارى, سونداي-اق ورىس, ۋكراين جانە باسقادا تىلدەرگە اۋدارىلعان اڭگىمەلەر مەن وچەركتارى بار. باتىردىڭ قۇرمەتىنە وسكەمەن قالاسىندا ەسكەرتكىش ورناتىلىپ, ەسىمىمەن كوشە اتالىندى, ۇلان اۋدانىنىڭ اكىمشىلىك ورتالىعى قاسىم قايسەنوۆ كەنتى دەپ وزگەرتىلدى.
تاراز قالاسىنداعى اسكەري بولىمگە گەنەرال-مايور شاكىر جەكسەنباەۆتىڭ ەسىمى بەرىلدى.
ۇلى وتان سوعىسىندا جەكسەنباەۆ باتىس باعىتىنداعى اسكەردە قىزمەت ەتىپ, 3-ءشى بريان ارمياسىندا, وڭتۇستىك-باتىس مايدانىندا, كەيىن 2-ءشى پريبالتيكالىق مايدانىندا حيميالىق قورعاۋ ءبولىمىنىڭ باستىعى لاۋازىمىن اتقاردى. 1943 جىلى 14 قازاندا جەكسەنباەۆقا تەحنيكالىق ءبولىمنىڭ گەنەرال-مايور اسكەري اتاعى بەرىلىپ, وتان سوعىسىنىڭ ءى دارەجەلى وردەنىمەن, كەيىن جاۋىنگەرلىك قىزمەتى ءۇشىن لەنين جانە قىزىل جۇلدىز وردەندەرىمەن ناگرادتالدى. زۇلمات سوعىس اياقتالعاننان كەيىن گەنەرال جەكسەنباەۆ حيميالىق قارۋ جانە قۇرلىق اسكەرلەرىن جابدىقتاۋ باسقارماسىندا قىزمەت ەتىپ, ۆ.كۋيبىشەۆ اتىنداعى قىزىل تۋلى اسكەري-ينجەنەرلىك اكادەمياسىندا اسكەري-حيميالىق جۇمىس جونىندە ءتالىم بەردى.
اسكەري بولىمدەرگە وتانداس-باتىرلاردىڭ ەسىمىن بەرۋگە بولىمدەردەگى اسكەري قىزمەتشىلەردىڭ جەكە قۇرامى ءبىر اۋىزدان قولدادى. قازاقستاندىق ارميانىڭ جاۋىنگەرلىك ءداستۇرىن ساقتاپ قالۋ مەن وتان قورعاۋشىلاردىڭ ەسىمىن دارىپتەۋ يدەياسىن قورعانىس مينيسترىلىگىنىڭ باسشىلىعى قولدادى.