ورتا سالماقتا WBA Super, WBC, IBF جانە IBO تۇجىرىمدارى بويىنشا بۇرىنعى الەم چەمپيونى گەننادي گولوۆكين (39-1-1, 35 كو) سەرگەي دەرەۆيانچەنكومەن (13-1, 10 كو) وتكىزەتىن تيتۋلدىق جەكپە-جەك الدىندا اشىق جاتتىعۋ وتكىزدى. بۇل تۋرالى گولوۆكين Instagram پاراقشاسىندا جازدى.
«اشىق جاتتىعۋعا كەلگەن بارلىق جانكۇيەرلەرىمە راحمەت. سىزدەر - كەرەمەتسىزدەر!», دەپ جازدى گولوۆكين.
بوكسشى الدىمەن جالعىز جاتتىعۋ جاساپ, كەيىنىرەك باپكەرى دجوناتان بەنكسپەن جاتتىققان.
ەسكە سالساق, 5 قازاندا (نۇر-سۇلتان ۋاقىتى بويىنشا 6 قازان) اقش-تىڭ نيۋ-يورك قالاسىنداعى Madison Square Garden ارەناسىندا وتكەن جىلى ۇيىمداستىرىلماق بولىپ, بىراق ءتۇرلى سەبەپتەرگە بايلانىستى وتپەي قالعان قازاقستاندىق بوكسشى گەننادي گولوۆكين (39-1-1, 35 كو) مەن ۋكراينالىق سەرگەي دەرەۆيانچەنكو (13-1, 10 كو) اراسىنداعى جەكپە-جەك وتەدى.
سونداي-اق «قازاقستان» رترك» اق بوكس كەشىنىڭ بارلىق كەزدەسۋىن كورسەتۋ قۇقىعىنا يە بولعانىن حابارلاعان ەدى. جەكپە-جەكتى «Qazaqstan» جانە «Qazsport» ارنالارى تىكەلەي ەفيردە كورسەتەدى. ترانسلياتسيا نۇر-سۇلتان ۋاقىتى بويىنشا 6 قازان كۇنى 05:00-دە باستالادى. كەزدەسۋدى qazaqstan.tv جانە qazsporttv.kz cايتتارى ارقىلى, QAZAQSTAN TV ءموبيلدى قوسىمشاسىندا ونلاين تاماشالاۋعا بولادى.