قارتتار كۇنىنە وراي «ازاماتتارعا ارنالعان ۇكىمەت» مەملەكەتتىك كورپوراتسياسى ماڭعىستاۋ وبلىسى بويىنشا فيليالى بيىل قۇرمەتتى دەمالىسقا شىققان ازاماتتار تۋرالى مالىمەتتەردى ۇسىندى. جىل باسىنان بەرى 2 مىڭعا جۋىق ازاماتقا بازالىق زەينەتاقى تاعايىندالدى, جاسىنا بايلانىستى زەينەتاقى تولەمدەرى 1963 ازاماتقا راسىمدەلگەن. جالپى, بۇگىنگى تاڭدا ماڭعىستاۋ وبلىسى بويىنشا 52844 زەينەتكەر بار.
ايماقتىق بولىنىستە قارايتىن بولساق, بازالىق زەينەتاقى ەڭ كوپ الماتى وبلىسىندا تاعايىندالعان – 5954, ال ەڭ از ءوڭىر – اتىراۋ وبلىسى, مۇندا نە بارى 1554 ازامات بيىل بازالىق زەينەتاقى الا باستاعان. - ءبىز زەينەتكەرلىككە شىعۋ ءراسىمىن بارىنشا جەڭىلدەتۋگە تىرىسۋدامىز. ءبىر جىل بۇرىن زەينەتكەرلىككە ءبىر وتىنىشپەن شىعۋعا مۇمكىندىك بەرەتىن كومپوزيت قىزمەتىن ەنگىزدىك. بيىل حقو-عا بارماي-اق, سمس-حابارلاما ارقىلى زەينەتكەرلىكتى راسىمدەۋگە مۇمكىندىك بەرەتىن پرواكتيۆ قىزمەتىن ىسكە قوستىق. تسيفرلىق جاڭاشىلدىقتار قۇرمەتتى دەمالىسقا ارتىق قاعازباستىلىقسىز شىعۋعا جول اشادى, - دەيدى فيليال ديرەكتورى ەربول بايجىگىت.
ايتا كەتەيىك, زەينەتكەرلىك جاسقا جەتۋىنە, بازالىق زەينەتاقىنىڭ تولەنۋى مەن مەملەكەتتىك كەپىل تولەم جاساۋ تۋرالى, سونداي-اق بجزق-عا تولەمدەردى تولەۋ سياقتى ءتورت ءوتىنىشتىڭ ورنىنا ءبىر عانا ءوتىنىش وتكىزۋگە مۇمكىندىك بەرەتىن كومپوزيت قىزمەتى 2018 جىلدىڭ قازان ايىندا ەنگىزىلدى.
زەينەت جاسىنا تولعانعا دەيىن 10 كۇن بۇرىن بولاشاق زەينەتكەرگە قىزمەتتى پرواكتيۆتى تۇردە راسىمدەۋگە ۇسىنىس بىلدىرەتىن سمس-حابارلاما جولداناتىن قىزمەت 2019 جىلدىڭ تامىزىندا ەنگىزىلدى. ازىرگە بۇل قىزمەتتى مەملەكەتتىك كورپوراتسيادان زەينەتكەرلىككە شىعاتىن جۇمىسكەرلەر پايدالانا الادى.
ماڭعىستاۋ وبلىسى