«قازاتومونەركاسىپ» ۇاك» اق اكتسيالارىن ساتۋدان 128,2 ملن اقش دوللارى تابىس ءتۇستى. «سامۇرىق-قازىنا» ۇاق» اق 9,8 ملن جاhaندىق دەپوزيتارلىق قولحاتتاردى ساتتى. ونىڭ 6,5 ملن حالىقارالىق ينۆەستورلار, 3,3 ملن – وتاندىق ينۆەستورلار ساتىپ الدى. بۇل تۋرالى "سامۇرىق-قازىنا" ۇاق" اق ءباسپاسوز قىزمەتى حابارلادى.
ايتا كەتكەن ءجون, 26 قىركۇيەكتە لوندون قور بيرجاسى مەن «استانا» حالىقارالىق قارجى ورتالىعى بيرجاسىندا قوردىڭ جەتەكشى كومپانياسى «قازاتومونەركاسىپ» ۇاك» اق جاhaندىق دەپوزيتارلىق قولحاتتارىنىڭ قوسىمشا ورنالاستىرىلۋى ءوتتى. بارلىعى 3,8 اكتسيا نەمەسە 9,8 ملن قولحات ورنالاستىرىلدى, ونىڭ ارقايسىسى 13 اقش دوللارىنا باعالاندى. اكتسيالاردىڭ قۇنى قور بيرجالارىنداعى قازىرگى نارىقتىق جاعدايلارعا باينالىستى قالىپتاستى.
«حالىقارالىق ينۆەستورلار 6,5 ميلليون قولحاتتى ساتىپ الدى, بۇل قازاقستاندىق قۇندى قاعازداردىڭ جوعارى ينۆەستورلىق تارتىمدىلىعىن كورسەتەدى. «استانا» بيراجاسىندا ورنالاستىرۋدان 65,3 ملن دوللار, لوندون بيرجاسىندا 62,9 ملن دوللار تابىس ءتۇستى. جالپى كىرىسى 128,2 ملن اقش دوللارى ەلدىڭ ۇلتتىق قورىنا جىبەرىلەدى», - دەدى «سامۇرىق-قازىنا» ۇاق» اق ەكونوميكا جانە قارجى جونىندەگى تەڭ باسقارۋشى ديرەكتورى ەرنار ءجانادىل.
«بلۋمبەرگ» اگەنتتىگى ءوز كەزەگىندە قولحاتتاردىڭ ورنالاستىرىلۋىن ء«ساتتى» دەپ باعالادى. بۇعان ءىرى حالىقارالىق ينۆەستورلاردىڭ ۇلكەن قىزىعۋشىلىعى دالەل. تەك لوندون قور بيرجاسىنا اقش, كانادا جانە باسقا ەلدەردەن 40 ينۆەستور قاتىستى.
جۋرناليستەردىڭ سۇراقتارىنا جاۋاپ بەرە وتىرىپ, ا.ساتقاليەۆ جەكەشەلەندىرۋ باعدارلاماسى اياسىندا «سامۇرىق-قازىنا» قورىنىڭ باسقا كومپانيالارىنىڭ IPO/SPO-عا جوعارى دايىندىعىن اتاپ ءوتتى.
اتاپ وتكەن ءجون, «قازاتومونەركاسىپ» ۇاك» اق IPO/SPO-عا شىعارىلۋى ەلباسىنىڭ تاپسىرماسى بويىنشا 2016 جىلى جاسالعان جەكەشەلەندىرۋ باعدارلاماسى اياسىندا ءوتتى. وسى قۇجاتقا سايكەس, كومپانيالاردىڭ تيىمدىلىگى مەن ارتىقشىلىعىن ارتتىرۋ ماقساتىندا «ەير استانا», «قمگ» اق, «قتج» ۇق, «قازاحتەلەكوم» اق كومپانيالارى حالىقارالىق بيرجالارعا شىعادى.
2018 جىلعى قاراشادا IPO اياسىندا "قازاتومونەركاسىپ "ۇاك"اق اكتسيالارىنىڭ 15% - ىن ورنالاستىرۋ ءساتتى ءوتتى. باسقا ينۆەستورلاردىڭ قاتارىندا ۇلتتىق بانك بجزق پورتفەلىنە ۇلتتىق كومپانيانىڭ 150 ملن دوللار سوماسىنا دەپوزيتارلىق قولحاتتارىن ساتىپ الدى, بۇل بجزق 21 ملرد تەڭگە تابىس اكەلدى. ناتيجەسىندە "قازاتومونەركاسىپ" باعالى قاعازدارى ۇلىبريتانيانىڭ قارجىلىق باقىلاۋ باسقارماسىنىڭ رەسمي تىزىمىنە ەنگىزىلدى جانە لفب جانە AIX (احقو) ساۋدا-ساتتىعىنا جىبەرىلدى.
ورنالاستىرۋ قازاقستان ۇكىمەتى بەكىتكەن 2016-2020 جىلدارعا ارنالعان جەكەشەلەندىرۋدىڭ كەشەندى جوسپارىنىڭ ءبىر بولىگى بولىپ تابىلادى.