قوستاناي وبلىسى قامىستى اۋدانىنىڭ پوليتسيا بولىمىندە مۋزەي اشىلدى

جەكە ەكسپوزيتسيا قامىستى پوليتسەيلەرىنىڭ سپورتتىق جەتىستىكتەرىنە ارنالعان. 2015 جىلى ولار ۇزىنكول اۋدانىندا قىزمەتتىك مىندەتتەرىن اتقارۋ كەزىندە قازا تاپقان باعيت قاسىموۆتى ەسكە الۋعا ارنالعان شاعىن فۋتبولدان وبلىستىق ءتۋرنيردى جەڭىپ الدى. بۇل تۋرنير جىل سايىن وتكىزىلەدى.

قامىستى ورتا مەكتەبىنىڭ 11-سىنىپ وقۋشىلارى مۇراجايدىڭ العاشقى كەلۋشىلەرى بولدى. ولار 70-جىلدارى كەزەكشى بولىمدەردە قولدانىلعان "ميگ" تەلەفون كوممۋتاتورى بىرەگەي ەكسپوناتىن قىزىقتادى. سونداي-اق "زەنيت" فوتواپپاراتىن كوردى.

- مەن 1957 جىلى اۋدانداعى العاشقى ميليتسيا باستىعى پودپولكوۆنيك اناتولي كورنيلوۆ بولعانىن ءبىلدىم. وسى كەزەڭدە اۋداندا ءبىرىنشى ميليتسيا ءبولىمى قۇرىلدى,وندا 15 ميليتسيونەر جۇمىس ىستەپتى. قازىرگى ۋاقىتتا مۇندا 40-تان استام پوليتسەي قىزمەت اتقارادى, - دەدى 11-سىنىپ وقۋشىسى سەرىكباي مۇجىقوۆ.

ارنايى ستەندتە پوليتسيا ءبولىمىنىڭ 19 باسشىسىنىڭ فوتوسۋرەتتەرى ورنالاستىرىلعان. مۇندا 60-جىلدارداعى ميليتسيونەرلەردىڭ نىساندى كيىم-كەشەكتەرى, ولاردىڭ ناگرادالارى ساقتالادى.

قوستاناي وبلىستىق پوليتسيا دەپارتامەنتى باستىعىنىڭ ورىنباسارى ارداق ىنتىقباەۆ مۋزەيدىڭ اشىلۋىندا جاستارعا پاتريوتتىق تاربيە بەرۋدىڭ ماڭىزدىلىعىن اتاپ ءوتتى. قازان ايىنىڭ باسىندا بەيىمبەت مايلين پوليتسيا بولىمىندە ەرلىك بۇرىشى مەن ەسكەرتكىش اشىلادى. قىزمەتتىك بورىشىن ورىنداۋ كەزىندە قازا تاپقان قىزمەتكەرلەرگە ارنالعان ەسكەرتكىشتەر وبلىستىڭ بەس اۋدانىندا اشىلعان.

1999 جىلى جىتىقارا قالاسىنىڭ پوليتسيا ءبولىمى ارداگەرلەر كەڭەسىنىڭ توراعاسى ساندىبەك ايتمۇحامبەتوۆ قامىستى اۋدانىنىڭ پوليتسيا ءبولىمىنىڭ باستىعى بولدى. ول ءدال سول كەزدە پوليتسەيلەرگە وسى مۇراجاي اشىلعان قازىرگى عيمارات بولىنگەنىن ەسكە الادى.

قامىستى اۋدانىنىڭ اكىمى عازيز بەكمۇحامبەتوۆ ءوز سوزىندە جەرگىلىكتى اتقارۋشى بيلىك پوليتسيانىڭ ماتەريالدىق-تەحنيكالىق جابدىقتالۋىن قولدايدى دەپ اتاپ ءوتتى. 2017 جىلى مۇندا تەحنيكانىڭ سوڭعى ۇلگىسىمەن جابدىقتالعان زاماناۋي تير سالىندى. مۋزەيدىڭ اشىلۋى اۋدان تۇرعىندارى ءۇشىن ماڭىزدى وقيعا بولدى.