شىمكەنت قالاسى ىشكى ساياسات جانە ءدىن ىستەرى باسقارماسىنىڭ «رۋحاني جاڭعىرۋ» كەڭسەسى مەن ارداگەرلەر كەڭەسىنىڭ ۇيىمداستىرۋىمەن «باتامەنەن ەل كوگەرەر» اتتى باتاگويلەر بايقاۋى ءوتتى. ۇلتتىق قۇندىلىق ۇلىقتالعان سايىستا كوپشىلىك كونەكوز قاريالاردان باتانىڭ ءتۇر-ءتۇرىن تىڭدادى.
اس قايىرۋ باتاسىنان باستاپ سالەم باتا, قالجا باتا, سوعىم باتا, ات قويۋ باتاسى, بەتاشار باتالارى ساماي شاشى بۋرىل تارتقان اقساقالدارىمىزدىڭ اۋزىمەن ايتىلعاندا وتە اسەرلى ەستىلدى.
قالالىق ارداگەرلەر كەڭەسىنىڭ توراعاسى يسامۋددين رىسباي مۇنداي ۇلتتىق سالت-ءداستۇردى ارداقتاپ, باتا بەرۋدى دارىپتەيتىن شارانىڭ جاستارعا بەرەر ونەگەسى مەن تالىمدىك ءمانى وتە جوعارى ەكەندىگىنە توقتالدى.
جالپى سانى ءتورت اۋداننان سەگىز باتاگوي قاريا قاتىسقان دودا تارتىستى ءوتتى. جارىس ناتيجەسى بويىنشا 1-ورىن (300 مىڭ تەڭگە) قولداسبەك تولەگەنوۆكە, 2-ورىن (250 مىڭ تەڭگە) يسەنبەك بيتاەۆقا, 3-ورىن (300 مىڭ تەڭگە) جۇرىنتاي ابىلداەۆقا بۇيىردى. قالعان بەس ۇمىتكەرگە ىنتالاندىرۋ سىيلىعى مەن العىس حات تابىستالدى.
قازىنالى اتالارىمىز بۇل جولى بارىن سالدى, اراسىندا جاستىق داۋرەنىن ەسكە ءتۇسىرىپ ءان دە ايتتى, بي دە بيلەدى. ۇمىتكەرلەردى قولداپ كەلگەن وتباسى مۇشەلەرى دە بولدى. سولاردىڭ اراسىندا تاڭىربەرگەن اتانىڭ قوس بىردەي كەلىنىنىڭ ساحنادا سالەم سالىپ اتالارىنا گۇل ۇسىنعانى كوز سۇيسىنەرلىك ەدى.
مۇنداي شارالار ءارى قارتتاردىڭ قوعامدىق ءىس-شارالارعا بەلسەنە قاتىسۋىنا سەبەپ بولسا, ەندى ءبىر جاعىنان جاس ۇرپاقتى ىزگىلىككە, بىرلىككە شاقىرۋدا ماڭىزى زور بولماق دەيدى شارا ۇيىمداستىرۋشىلارى.
شىمكەنت