قازاقستان پرەزيدەنتى قاسىم-جومارت توقاەۆتىڭ بۇۇ باس اسسامبلەياسىنىڭ 74-سەسسياسى اياسىنداعى ەكى جاقتى كەزدەسۋلەرى ليۋكسەمبۋرگ پرەمەر-ءمينيسترى كساۆە بەتەللمەن كەلىسسوز جۇرگىزۋمەن جالعاستى, دەپ حابارلادى پرەزيدەنتتىڭ ءباسپاسوز قىزمەتى.
تاراپتار ەكىجاقتى كۇن تارتىبىندەگى وزەكتى ماسەلەلەرگە توقتالىپ, بىرقاتار پەرسپەكتيۆالى جوبالاردى جۇزەگە اسىرۋعا باسا نازار اۋداردى.
اتاپ ايتقاندا, قاسىم-جومارت توقاەۆ پەن كساۆە بەتتەل عارىش ونەركاسىبى, قارجى قىزمەتتەرى, ونىڭ ىشىندە "استانا" حالىقارالىق قارجى ورتالىعى ارقىلى ىنتىماقتاستىقتى جانداندىرۋعا ۋاعدالاستى. سونداي-اق تسيفرلاندىرۋ سالاسىنداعى ءوزارا ءىس-قيمىل مۇمكىندىكتەرىن تالقىلادى.