بۇۇ باس اسسامبلەياسى 74-ءشى سەسسياسىنىڭ الاڭىندا مەملەكەت باسشىسى قاسىم-جومارت توقاەۆ شۆەيتساريا پرەزيدەنتى ۋلي ماۋرەرمەن ەكىجاقتى كەزدەسۋ وتكىزدى. بۇل تۋرالى اقوردانىڭ ءباسپاسوز قىزمەتى حابارلادى.
كەزدەسۋ بارىسىندا مەملەكەتتەر باسشىلارى ەكىجاقتى كۇن تارتىبىندەگى كەڭ اۋقىمدا وزەكتى ماسەلەلەردى تالقىلادى.
قاسىم-جومارت توقاەۆ قازاقستان-شۆەيتساريا اراسىنداعى ىنتىماقتاستىقتىڭ جوعارى دەڭگەيدە ەكەنىن اتاپ ءوتتى.
– شۆەيتساريا – قازاقستان ءۇشىن ەكى جاقتى ساۋدا جانە ينۆەستيتسيا كولەمى بويىنشا ەۋروپاداعى نەگىزگى ارىپتەس. ءبىزدىڭ ەلدەرىمىز بانك, قۇرىلىس جانە اگرارلىق سالالارداعى جوبالاردى بەلسەندى دامىتىپ كەلەدى, – دەدى قاسىم-جومارت توقاەۆ.
قازاقستان پرەزيدەنتى شۆەيتساريالىق ارىپتەسىنىڭ نازارىن قارجىلىق قىزمەتتەر, ماشينا جاساۋ, حيميا جانە فارماتسەۆتيكا, اۋىل شارۋاشىلىعى, ازىق-ت ۇلىك, تۋريزم سالالارىندا بىرلەسىپ اتقارار بىرقاتار پەرسپەكتيۆالىق جوبالاردىڭ بار ەكەنىنە اۋداردى.
كەزدەسۋ سوڭىندا قاسىم-جومارت توقاەۆ ۋلي ماۋرەردى بيىل قازاقستانعا رەسمي ساپارمەن كەلۋگە شاقىردى.