قازاقستاننىڭ تۇڭعىش پرەزيدەنتى ساۋد ارابياسى كورولدىگىنىڭ اش-شۋرا مەدجليسىنىڭ سپيكەرى ابدۋللاح ءال-شەيحپەن كەزدەستى. بۇل تۋرالى elbasy.kz حابارلادى.
كەزدەسۋ بارىسىندا ەلباسى ابدۋللاح ءال-شەيحكە ساپارمەن كەلگەنى ءۇشىن جانە ەۋرازيا ەلدەرى سپيكەرلەرىنىڭ كەڭەسىنە قاتىسقانى ءۇشىن العىسىن ءبىلدىردى.
نۇرسۇلتان نازارباەۆ قازاقستان مەن ساۋد ارابياسى اراسىنداعى قارىم-قاتىناستاردىڭ دوستىق سيپاتىن اتاپ ءوتتى.
سونىمەن قاتار تۇڭعىش پرەزيدەنت ساۋد ارابياسىنىڭ باسشىلىعى تاۋەلسىزدىكتىڭ العاشقى جىلدارىندا ەلىمىزگە بەلسەندى قولداۋ كورسەتكەنىن ەسكە سالدى.
– ءبىز ساۋد ارابياسىنا زور قۇرمەتپەن قارايمىز. تاۋەلسىزدىك العان تۇستا ءسىزدىڭ ەلىڭىز ۇلكەن قولداۋ كورسەتتى. بۇل ءبىزدىڭ ەسىمىزدە, - دەدى ەلباسى.