نۇرسۇلتان نازارباەۆ ومان اش-شۋرا مەدجليسىنىڭ سپيكەرى حاليد ءال-ماۋاليمەن كەزدەستى. بۇل تۋرالى elbasy.kz حابارلادى.
كەزدەسۋ بارىسىندا ەلباسى قازاقستاننىڭ ومانمەن ساۋدا-ەكونوميكالىق ىنتىماقتاستىقتى نىعايتۋعا جانە كەڭەيتۋگە مۇددەلى ەكەنىن اتاپ ءوتتى.
- ءبىز ەكى ەل اراسىنداعى قاتىناستاردى دامىتۋعا مۇددەلىمىز. لوگيستيكانىڭ جوقتىعىنان بىزدە ساۋدا كولەمى تومەن. قازىر ءبىز كاسپيدەن يرانعا اپاراتىن تەمىرجول سالدىق. ەندى تاۋارلاردى تاسىمالداۋعا مۇمكىندىك بار. ءبىز مەملەكەتتەرىمىز اراسىنداعى ساۋدانى دامىتۋىمىز كەرەك, - دەدى قازاقستاننىڭ تۇڭعىش پرەزيدەنتى.