قوستانايدا جاڭا ۋاقىتشا ۇستاۋ يزولياتورى اشىلدى

«بۇل جەردە مۇمكىندىگى شەكتەۋلى جاندار ءۇشىن دە جاعداي جاسالعان, حالىقارالىق ستاندارتتار ساقتالعان. ءبىز ءۇشىنشى قاباتتا ورنالاسقان سەرۋەندەۋ اۋلاسىنىڭ بار ەكەنىن كوردىك, سپورتپەن شۇعىلدانۋعا ارنالعان ترەناجەرلەر بار, سونداي-اق مۇگەدەكتەرگە ارنالعان ارنايى كامەرا بار. جەدەلساتى دا جۇمىس ىستەپ تۇر» دەدى يگور كوزلوۆ.  

قوستاناي وبلىسىنىڭ اكىمى ارحيمەد مۇحامبەتوۆ اتالمىش مەكەمەگە قاجەتتى قۇرال-جابدىقتار ساتىپ الۋعا ءتيىستى قاراجات بولىنگەنىن اتاپ ءوتتى. "رۋدنىيسوكولوۆستروي" قۇرىلىس فيرماسى قۇرىلىس-مونتاج جۇمىستارىن ساپالى ورىنداعان.

وبلىس اكىمى جەرگىلىكتى اتقارۋشى بيلىك پوليتسيا رەفورمالارىنىڭ نەگىزگى باعىتتارىن قولدايتىنىن جانە ىشكى ىستەر ورگاندارىنىڭ ماتەريالدىق-تەحنيكالىق جابدىقتالۋىنا ۇلكەن نازار اۋداراتىنىن دا ايتتى.  

سوڭعى جىلدارى بىرنەشە ءىرى باستامالار جۇزەگە اسىرىلدى. سولتۇستىك پوليتسيا ءبولىمى كۇردەلى جوندەۋدەن ءوتتى, وبلىس ورتالىعىندا پوليتسيا پۋنكتتەرى پايدا بولدى, اۆتوكولىك ساتىپ الىندى. بۇل جۇمىس جالعاسىن الداعى ۋاقىتتا دا جالعاسىن تاپپاق.

«قازىرگى ۋاقىتتا پوليتسيا قىزمەتكەرلەرىنە قويىلاتىن تالاپ كوپ. جاسالىپ جاتقان جاعدايلار جۇمىستىڭ ساپاسىن ارتتىرادى دەپ سەنەمىن» دەدى وبلىس اكىمى.

پوليتسيا دەپارتامەنتىنىڭ باستىعى بەكەت ايماعامبەتوۆ بۇرىن پوليتسيا قىزمەتكەرلەرى ۇزاق ۋاقىت بويى ۇستالعان ازاماتتاردى وبلىس ورتالىعىنان 45 شاقىرىم قاشىقتىقتا ورنالاسقان رۋدنىي قالاسىنداعى ۋۇي اپاراتىنىن ايتتى. بۇل تىكەلەي ادام قۇقىعىن ساقتاۋعا قاتىستى ماسەلە. قۇقىق قورعاۋشىلار بۇل ماسەلەلەردى بىرنەشە رەت ايتقان بولاتىن. ناتيجەسىندە جاڭا يزولياتور سالىندى. ارنايى مەكەمەدە مۇمكىندىگى شەكتەۋلى ازاماتتارعا دا جاعداي جاسالعان. مۇنداي عيماراتتىڭ قۇرىلىسى جەرگىلىكتى اتقارۋشى بيلىكتىڭ قولداۋىنىڭ جانە 2019-2021 جىلدارعا ارنالعان ىشكى ىستەر ورگاندارىن جاڭعىرتۋ جونىندەگى جول كارتاسى اياسىندا ىسكە اسىرىلدى. جاڭا ۋۇي-دا ءبىر ۋاقىتتا 15 ادامدى ۇستاۋعا مۇمكىندىك بار.

پوليتسيا دەپارتامەنتىنىڭ باستىعى قازىرگى ۋاقىتتا وبلىستىڭ بارلىق ۋۇي قۇقىق قورعاۋ ۇيىمدارىنىڭ تالاپتارىنا سايكەس كەلگەنىن اتاپ ءوتتى.

قوستاناي