بۇل تۋرالى تۇڭعىش پرەزيدەنت-ەلباسى ەۋرازيا ەلدەرىنىڭ پارلامەنتتەرى سپيكەرلەرىنىڭ IV كەڭەسىندە ايتتى.
«پارلامەنتارالىق قوعامداستىق ىشىندەگى قاتاردى جۇمىلدىرىپ, زاڭنامالىق ترەندتەردەگى بىرلەسكەن جۇمىستىڭ تيىمدىلىگىن ارتتىرۋ قاجەت. تەرروريزمنىڭ جالپى انىقتاماسىن ازىرلەۋ, تەرروريستىك, ەكسترەميستىك ۇيىمداردىڭ, حالىقارالىق ۇيىمداسقان قىلمىستىق توپتاردىڭ بىرىڭعاي ءتىزىمىن جاساۋ ماڭىزدى. سونداي-اق الەمدىك ەكونوميكانى جاڭا تسيفرلىق داۋىرگە, جاساندى ينتەللەكت داۋىرىنە كوشىرۋ بارىسىنداعى قۇقىقتىق بازانى ازىرلەۋ جۇمىستارى دا وزەكتى بولىپ وتىر», دەدى ەلباسى ن.نازارباەۆ.
ايتا كەتەيىك, ەۋرازيالىق مەملەكەتتەردىڭ زاڭنامالىق ورگاندارى باسشىلارىمەن جان-جاقتى ديالوگ ورناتۋ ماقساتىندا ۇيىمداستىرىلىپ جاتقان فورۋم بيىل قازاقستاندا ءبىرىنشى رەت ءوتىپ جاتىر. بۇعان دەيىن ەۋرازيا ەلدەرى پارلامەنتتەرى توراعالارىنىڭ كەڭەسى رەسەيدە, وڭتۇستىك كورەيادا جانە تۇركيا رەسپۋبليكاسىندا وتكەن ەدى.
فورۋمعا قاتىسۋشىلار قاتارىندا ەقىۇ مەن ۇقشۇ پارلامەنتتىك اسسامبلەيالارى, پارلامەنتارالىق وداق, ازيا پارلامەنتتىك اسسامبلەياسى, حالىقتىڭ قونىستانۋى جانە دامۋى جونىندەگى پارلامەنتاريلەردىڭ ازيالىق فورۋمى, ەۋروپالىق پارلامەنت, ازياداعى ءوزارا ءىس-قيمىل جانە سەنىم شارالارى كەڭەسى, يسلام ىنتىماقتاستىق ۇيىمى پارلامەنتتىك وداعى, تمد پاا, شىۇ سىندى ۇيىمدار بار.