ەۋرازيا ەلدەرىنىڭ پارلامەنتتەرى سپيكەرلەرىنىڭ IV كەڭەسىندە ەلباسى نۇرسۇلتان نازارباەۆ ەلىمىزدە زاڭ شىعارۋ ورگانى قىزمەتىنە زور ءمان بەرىلەتىندىگى جايىندا ايتتى.
-قۇرمەتتى كەڭەسكە قاتىسۋشىلار, قادىرمەندى قوناقتار ەۋرازيا جەرىندەگى ۇلى دالە ەلىنە قوش كەلدىڭىزدەر! پارلامەنت سپيكەرلەرىنىڭ بۇگىنگى باس قوسۋىن قازاقستان استاناسىندا ءوتىپ جاتقانىنا ءبىز قۋانىشتىمىز. اتاپ ايتقاندا وسى جيىنعا 60-تان استام ەلدىڭ پارلامەنتتىك دەلەگاتسيالارى مەن 16 حالىقارالىق ۇيىم وكىلدەرى كەلىپ وتىر. وسى كەڭەستىڭ تابىستى جۇمىس ىستەۋىنە بارشامىز مۇددەلىمىز. ءبىز زاڭ شىعارۋ ورگانى قىزمەتىنە زور ءمان بەرەمىز. قازاقستان دەپۋتاتتارى شەتەلدىك ارىپتەستەرمەن كەڭ اۋقىمدى بايلانىس ورناتىپ, مەملەكەتارالىق دوستىقتى نىعايتا ءتۇستى. قازاقستان دەپۋتاتتارى شەتەلدىك ارىپتەستەرىمەن كەڭ اۋقىمدى بايلانىس ورناتىپ, مەملەكەتارالىق دوستىقتى نىعايتا ءتۇستى. ەلدەرىمىزدىڭ جوعارى وكىلدى ورگاندارىنىڭ دەپۋتاتتارى ەۋرازياداعى ىنتىماقتاستىق اياسىن ودان ارى كەڭەيتەدى دەپ سەنەمىن,- دەدى ەلباسى كەڭەس وتىرىسىندا.
فورۋمعا قاتىسۋشىلار قاتارىندا ەقىۇ مەن ۇقشۇ پارلامەنتتىك اسسامبلەيالارى, پارلامەنتارالىق وداق, ازيا پارلامەنتتىك اسسامبلەياسى, حالىقتىڭ قونىستانۋى جانە دامۋى جونىندەگى پارلامەنتاريلەردىڭ ازيالىق فورۋمى, ەۋروپالىق پارلامەنت, ازياداعى ءوزارا ءىس-قيمىل جانە سەنىم شارالارى كەڭەسى, يسلام ىنتىماقتاستىق ۇيىمى پارلامەنتتىك وداعى, تمد پاا, شىۇ سىندى ۇيىمدار بار.
ايتا كەتەيىك, ەۋرازيالىق مەملەكەتتەردىڭ زاڭنامالىق ورگاندارى باسشىلارىمەن جان-جاقتى ديالوگ ورناتۋ ماقساتىندا ۇيىمداستىرىلىپ جاتقان فورۋم بيىل قازاقستاندا ءبىرىنشى رەت ءوتىپ جاتىر. بۇعان دەيىن ەۋرازيا ەلدەرى پارلامەنتتەرى توراعالارىنىڭ كەڭەسى رەسەيدە, وڭتۇستىك كورەيادا جانە تۇركيا رەسپۋبليكاسىندا وتكەن ەدى.