بۇگىن نۇر-سۇلتان قالاسىندا تۇڭعىش پرەزيدەنت-ەلباسى ن. نازارباەۆتىڭ ەۋرازيالىق يدەياسىنا 25 جىل تولۋىنا وراي «ۇلكەن ەۋرازيا: ديالوگ. سەنىم. سەرىكتەستىك» تاقىرىبىندا ەۋرازيا ەلدەرىنىڭ پارلامەنتتەرى سپيكەرلەرىنىڭ IV كەڭەسى وتەدى.
جيىنعا 60-تان استام ەلدىڭ پارلامەنتتىك دەلەگاتسيالارى مەن 16 حالىقارالىق ۇيىم وكىلدەرى قاتىسادى دەپ كۇتىلۋدە. فورۋم بارىسىندا قاتىسۋشىلار ەۋرازيالىق كەڭىستىكتى تۇراقتى دامىتۋدىڭ ورتاق كوزقاراستارى مەن جولدارىن تالقىلايدى.
ايتا كەتەيىك, ەۋرازيالىق مەملەكەتتەردىڭ زاڭنامالىق ورگاندارى باسشىلارىمەن جان-جاقتى ديالوگ ورناتۋ ماقساتىندا ۇيىمداستىرىلىپ جاتقان فورۋم بيىل قازاقستاندا العاش رەت وتكەلى تۇر.