ماڭىزدى ماسەلەگە مەيلىنشە ءمان بەرىلدى

رەسپۋبليكاداعى اسكەري (ار­ناۋلى) وقۋ ورىندارىنىڭ دا­مۋى كوميتەتتىڭ كوشپەلى وتىرى­سىنداعى تالقىلانعان ماسەلە­لەردىڭ وزەگى بولدى. ششۋچە قا­لا­سىنداعى قورعانىس مينيسترلى­گىنىڭ كادەت كورپۋسىندا بولعان سە­ناتورلار وقۋ باعدارلاماسىمەن, ءبىلىم وشاعىنىڭ عيماراتتارىمەن, سونداي-اق اسكەري قىزمەت­كەر­لەردىڭ الەۋمەتتىك-تۇرمىستىق جاع­دايلارىمەن تانىستى. دەپۋ­تات­تارعا كادەت كورپۋسىنىڭ ماتە­ريال­دىق-تەحنيكالىق بازاسى, وسى زامانعى قۇرال-جابدىقتارمەن قام­تاماسىز ەتىلگەن زاماناۋي سى­نىپتار جانە سپورت زالى كور­سە­تىلدى.

كوميتەت مۇشەلەرى مۇنان سوڭ كوكشەتاۋ قالاسىنداعى مامانداندىرىلعان ءورت ءسون­دىرۋ بولىمىندە, ىشكى ىستەر مينيس­تر­لىگىنىڭ توتەنشە جاعدايلار كو­ميتەتىنىڭ تەحنيكالىق ينستيتۋتىندا بولدى. ءورت ءسوندىرۋ ءبو­لىمى بىلتىر پايدالانۋعا بەرىل­گەن. بۇل قۇرىلىم قالانىڭ سول­تۇستىك بولىگىن ورتتەن قورعاي­دى. ءسوز اراسىندا وسى زامانعى ءورت ءسوندىرۋ تەحنيكاسىمەن قام­تاماسىز ەتىلگەندىگىن, قىزمەت­كەر­لەرگە قىزمەتتىك جانە الەۋمەتتىك جاعداي جاسالعانىن ايتا كەتۋى­مىز كەرەك. بيىلعى جىلدان باس­تاپ ءورت ءسوندىرۋ ءبولىمىنىڭ عي­ما­راتىندا كوكشەتاۋ تەحنيكالىق ينستيتۋتىنىڭ وقۋ ورتالىعى جۇمىس ىستەي باستاعان. دەپۋتاتتار ينستيتۋتتىڭ وقۋ كورپۋسىن ارالاپ كوردى. سونداي-اق وقىرماندار زالى بار كىتاپحانا, اكىمشىلىك عيمارات, زەرتحانا, شاعىن باسپاحانا, كۋرسانتتار جاتاقحاناسى جانە سپورت زالىمەن تانىستى. كوميتەت مۇشەلەرى ىشكى ىستەر مينيسترلىگى باسشىلىعىنىڭ بايان­داماسىن تىڭدادى. ءمينيس­تردىڭ ورىنباسارى يۋري ءيلين­نىڭ اقپاراتىندا جاڭعىرتۋ اياسىندا ينستيتۋتتىڭ ءتورت وقۋ ورتا­لىعى قۇرىلعاندىعى ايتىلدى. وقۋ ورتالىعىنىڭ ماتەريالدىق-تەحنيكالىق بازاسى جاقسارعان. ءبىر جىل بۇرىن 909 ميلليون تەڭگە قاراجات ءبولىنىپتى. كەلەر جىلدان باستاپ ينستيتۋتتىڭ پروفەسسور-وقىتۋشىلىق قۇرامىنىڭ جالا­قىسى 25 پايىزعا وسپەك. ودان كەيىن وقۋ كورپۋسى مەن جاتاقحانا سالۋ ماسەلەسى تۇر.

قازاقستان رەسپۋبليكاسى  پار­لامەنتى سەناتى حالىقارالىق قاتىناستار, قورعانىس جانە قاۋىپ­سىزدىك جونىندەگى كوميتەتىنىڭ توراعاسى مۇحتار قۇل-مۇحاممەد جۇمىس ساپارىن قورىتىندىلاي كەلە, داريعا نازارباەۆانىڭ باس­شى­لىعىمەن وتكىزىلگەن بۇرىنعى كوشپەلى وتىرىستاردا كوتەرىلگەن ماسەلەلەردىڭ قالاي شەشىمىن تاۋىپ جاتقاندىعىنا توقتالدى. مىقتى ماماندار دايارلاۋ ماسە­لەسىن ءالى دە جەتىلدىرە ءتۇسۋ قاجەت. كۇن تارتىبىندەگى بارلىق ماسە­لەلەر كوميتەتتىڭ تۇراقتى باقىلاۋىندا بولماق.