ماڭعىستاۋ وبلىسىنىڭ ستۋدەنتتەر جاتاقحانالارى باقىلاۋدا

جالپى وبلىس كولەمىندە 7 ستۋدەنتتەر جاتاقحاناسى ورنالاسقان, ونىڭ ۇشەۋى جوعارى وقۋ ورنىنا, ۇشەۋى ارنايى ورتا ءبىلىم بەرەتىن وقۋ ورىندارىنا جانە بىرەۋى جەكە كاسىپكەرگە تيەسىلى.

مونيتورينگ بارىسىندا انىقتالعانداي, ح.وزبەكعاليەۆ اتىنداعى ماڭعىستاۋ پوليتەحنيكالىق كوللەدجىنىڭ №5 جاتاقحاناسى جوندەۋ جۇمىستارىن جۇرگىزۋ ءۇشىن اعىمداعى جىلدىڭ 1 ماۋسىمىنان باستاپ جابىلعان, ال وسى كوللەدج ستۋدەنتتەرىنىڭ شاعىن ءبىر بولىگى جانە اقتاۋ قالاسىنداعى كوللەدجدەردىڭ 168 ستۋدەنتى «گۋسەينوۆ» جەكە كاسىپكەردىڭ يەلىگىندەگى جاتاقحاناعا 3 ەسە ارتىق تولەممەن قاراجات تولەپ جاتۋدا (8000 تەڭگە).

ش.ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ №1, №2, №3 ستۋدەنتتەر جاتاقحاناسىن باقىلاۋ بارىسىندا №2 جاتاقحانادا 1 ادامعا 6 شارشى مەتر كولەم تيەسىلى بولسا, مۇندا ستۋدەنتتەر تۇرىپ جاتقان 112 بولمەنىڭ 66-دا بۇل تالاپ ساقتالماي وتىر. ياعني كولەمى 14 شارشى مەتر بولمەدە 3 ادامنان تۇرىپ جاتقانى انىقتالدى جانە №3 جاتاقحانادا بارلىق ستاندارتتار ساقتالعانىمەن, ۋنيۆەرسيتەت تاراپىنان ۇيىمداستىرىلعان اسحانادا كاسسالىق اپپاراتتار جوق. ايتا كەتۋ كەرەك, ەسەپتەگىش قۇرالداردىڭ, كاسسالىق اپپاراتتادىڭ بولماۋى سىبايلاس جەمقورلىق تاۋەكەلدەرىنىڭ كورىنىسى بولىپ تابىلادى.

سونىمەن قاتار قاراقيا اۋدانىندا ورنالاسقان قاراقيا كاسىپتىك كوللەدجىنە قاراستى ستۋدەنتتەر جاتاقحاناسىندا ستاندارتتاردىڭ تولىقتاي ساقتالعاندىعى جانە ستۋدەنت مەملەكەت ەسەبىنەن تەگىن تۇراتىنى, بارلىق جاعدايلارى جاسالعانى بەلگىلى بولدى.

جۇرگىزىلگەن مونيتورينگ بارىسىندا انىقتالعان كەمشىلىكتەر بويىنشا ۇسىنىس جولدانىپ, ءتيىستى شارالار قولدانىلاتىن بولادى.