ۇكىمەت باسشىسى جاڭا جۇمىس ورىندارىن اشۋ بويىنشا تاپسىرما بەردى

اتالعان باعىتتا اتقارىلىپ جاتقان جۇمىستار تۋرالى «اتامەكەن» ۇكپ باسقارما توراعاسى ا. مىرزاحمەتوۆ, ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ, اۋىل شارۋاشىلىعى ءمينيسترى س. وماروۆ, يندۋستريا جانە ينفرقۇرىلىمدىق دامۋ ءمينيسترى ب. اتامقۇلوۆ, قارجى ءمينيسترى – پرەمەر-ءمينيستردىڭ ءبىرىنشى ورىنباسارى ءا. سمايىلوۆ جانە پرەمەر-ءمينيستردىڭ ورىنباسارى ب. ساپارباەۆ باياندادى.  

«ەڭبەك» مەملەكەتتىك باعدارلاماسى بويىنشا «جاس كاسىپكەر» جوباسى اياسىندا اعىمداعى جىلدىڭ 22 شىلدەسى مەن 5 قىركۇيەگى ارالىعىندا رەسپۋبليكانىڭ 200 مەكتەبىندە 18,3 مىڭ جاستار مەن كوپ بالالى وتباسىلاردىڭ وكىلدەرى وقىتىلدى. «باستاۋ» جوباسى بويىنشا وقىتىلعان 15 مىڭ ادامدى ەسەپكە العاندا, 33,3 مىڭ جۇمىسسىز جانە ءوزىن-ءوزى جۇمىسپەن قامتىعاندار قامتىلدى, ونىڭ ىشىندە — 29 جاسقا دەيىنگى كوپ بالالى وتباسىلاردىڭ 600-دەن استام مۇشەلەرى.

اعىمداعى جىلدىڭ 1 قىركۇيەگىندەگى جاعداي بويىنشا 2019 جىلى بىتىرۋشىلەردىڭ جالپى سانىنان 2360 ادام شاعىن نەسيەلەر الدى, 5431 ادامعا گرانتتار بەرىلدى. وڭىرلەر بويىنشا ەڭ جاقسى كورسەتكىشتەر پاۆلودار (70%), شىعىس قازاقستان (61,5%) جانە قىزىلوردا (61,2%) وبلىستارىندا بايقالادى.

قوستاناي وبلىسىندا جەرگىلىكتى قامتۋ ۇلەسىنىڭ ەڭ جوعارى كورسەتكىشى جيھاز جانە ازىق-ت ۇلىك ساتىپ الۋدا – 40%, جەڭىل ونەركاسىپتە – 21% قۇرايدى. قۇرىلىس ماتەريالدارى سالاسىندا ەڭ جوعارى كورسەتكىش اقتوبە جانە پاۆلودار وبلىستارىندا 19% قۇرايدى.

اۋىلدىق ەلدى مەكەندەردى نەسيەلەندىرۋگە 59,8 ملرد تەڭگە (72%) باعىتتالدى. جىل باسىنان بەرى بارلىعى 9 433 ميكروكرەديت بەرىلدى (49,6%), ونىڭ ىشىندە اۋىلدىق جەرلەردە – 8 450 نەمەسە جىلدىق جوسپاردىڭ 50,7% (16,7 مىڭ). اۋىلداعى ميكروكرەديتتەردىڭ ورتاشا مولشەرى 3,8 ملن تەڭگەنى, ال قالالاردا – 11,1 ملن تەڭگەنى قۇرايدى.

«بۇگىن تالقىلانعان “باستاۋ-بيزنەس”, “جاس كاسىپكەر”, شاعىن كرەديت بەرۋ جوبالارىنىڭ ىسكە اسىرىلۋ ماسەلەلەرى حالىقتىڭ جۇمىسپەن قامتىلۋىمەن تىعىز بايلانىستى. بۇل – ەلباسى مەن مەملەكەت باسشىسىنىڭ العا قويعان باستى مىندەتتەردىڭ ءبىرى. وسى جۇمىستىڭ جاقسى ناتيجەلەرىن كورىپ وتىرمىز. 2019 جىلدىڭ وزىندە عانا 5 مىڭنان استام ازامات ءوز ءىسىن اشىپ, 8,5 مىڭ جۇمىس ورنىن قۇردى», — دەدى ا. مامين.

ۇكىمەت باسشىسى «باستاۋ-بيزنەس» جوباسىنا قاتىسۋشىلاردىڭ سانىن ۇلعايتىپ, بيزنەسىن اشقاندار نەمەسە كەڭەيتكەندەر سانىن 20-دان 30%-عا دەيىن جەتكىزۋ ماسەلەسىن پىسىقتاپ, شاعىن نەسيە جانە گرانت بەرۋ بويىنشا كوزدەلگەن بارلىق جوسپارلاردىڭ ورىندالۋىن جەدەلدەتۋدى, جەرگىلىكتى قامتۋ بويىنشا بەكىتىلگەن ينديكاتورلاردى ورىنداۋدى, زاڭنامانىڭ جانە ندۋستريالىق سەرتيفيكات پەن «ست-كZ» سەرتيفيكاتىنىڭ تالاپتارىنىڭ ورىندالۋىن قامتاماسىز ەتۋدى, سونداي-اق, كۆازيمەملەكەتتىك سەكتور سۋبەكتىلەرىنىڭ ساتىپ الۋدى جۇزەگە اسىرۋى قاعيدالارىندا شاعىن جانە ورتا بيزنەستى قولداۋ تەتىكتەرىن («سامۇرىق-قازىنا» قورى سەكىلدى) قاراستىرىپ, ولاردىڭ ءبىر اي مەرزىمدە قابىلدانۋىن قامتاماسىز ەتۋدى تاپسىردى.

«مينيسترلەر مەن اكىمدەرگە قازاقستاندىق قامتۋ بويىنشا كورسەتكىشتەردىڭ جانە ءتيىستى زاڭنامانىڭ ورىندالۋى بويىنشا دەربەس جاۋاپكەرشىلىك ارتىلادى. 9 ايدىڭ قورىتىندىسى بويىنشا جينالىس وتكىزەمىز. وندا وسى كورسەتكىشتەردىڭ ورىندالۋىن قاراستىرامىز», — دەپ تۇيىندەدى پرەمەر-مينيستر.