يادرولىق قارۋسىز الەمگە جول

ەلباسىنىڭ يادرولىق قارۋدان ازات الەم قۇرۋ جونىندەگى باستامالارى سەمەي يادرولىق سىناق پوليگونى جا­بىلعاننان كەيىن العاش رەت شەتەلدىك قوعامداستىققا ۇسىنىلىپ وتىر. كور­مەدە مۋزەيلىك, ارحيۆتىك جانە كىتاپ ماتەريالدارى نە­گىزىندە يادرولىق قارۋ­سىزدانۋ جانە جا­ھان­دىق قاۋىپسىزدىك جۇيەسىن قۇرۋ مەن دا­مىتۋدىڭ قاعي­داتتارىن جاساقتاعان قازاقستان رەس­پۋبليكاسى تۇڭعىش پرە­زيدەن­تىنىڭ تۇلعاسى كورسەتىلگەن.

كورمەنى اشقان ەلباسى كىتاپحا­ناسى­نىڭ ديرەكتورى, ساياسي عىلىمدار دوكتورى, پروفەسسور ءامىرحان راحىم­جانوۆتىڭ ايتۋىنشا, اتالعان جوبا – حالىقتار اراسىنداعى تۇراقتىلىق پەن ءوزارا تۇسىنىستىكتىڭ نەگىزى بولىپ تابى­لاتىن يادرولىق قاۋىپسىزدىكتىڭ جاھان­دىق تاقىرىبى بويىنشا قۇجاتتىق دەرەك­كوزدەردى, مۋزەيلىك جانە كىتاپ توپ­تا­مالارىن جيناۋ مەن زەرتتەۋدىڭ ناتيجەسى.

«بۇگىن قازاقستاننىڭ جاڭا تاري- حىندا العاش رەت سىزدەرگە ەكى ەل ءۇشىن ماڭىزدى دا قىزىقتى كوپتەگەن ماسەلەلەر مەن تاقىرىپتاردى قامتيتىن كور­مەنى زور قۋانىشپەن ءارى ۇلكەن تول­قۋمەن ۇسىنامىن. قازاقستان دا, جا­پونيا دا وسى ەكى ەلدىڭ باسشىلارى قابىل­داعان پارمەندى شارالار نەگىزىن قالاعان ساياسي مادەنيەت پەن تاريحي دامۋدىڭ جاڭا دەڭگەيىنە كوتە­رىلدى. كۇن ءتارتىبىن وركەنيەتتى ۇنقا­تىسۋ مەن ەلىمىزدىڭ ازاماتتارىنىڭ قاۋىپسىزدىگى مەن گۇلدەنۋى ءۇشىن العان مىن­دەتتەمەلەردى دايەكتى ورىنداۋعا ور­تاق قا­جەتتىلىكتەر انىقتايدى», – دەدى ءا.راحىم­جانوۆ.

قور كورمەسىنىڭ ەكسپوزيتسيالارىمەن تانىسقان قازاقستان رەسپۋبليكاسىنىڭ جاپونياداعى ەلشىسى ەرلان باۋداربەك-قوجاتاەۆ ءوز سوزىندە: «بۇگىنگىدەي كورمە جاپونيادا العاش رەت وتۋدە. مۇندا ناگ­رادالار قويىلعان, ولاردىڭ قاتارىندا نۇرسۇلتان نازارباەۆقا بەرىلگەن جا­پونيانىڭ جوعارى مەم­لەكەتتىك ناگراداسى – ۇلكەن لەنتاداعى حريزانتەما (باقىتگۇل) وردەنى بار.         

سونداي-اق ەلباسىمىزعا «حيروسيما قالاسىنىڭ ايرىقشا قۇرمەتتى ازاماتى» ارناۋلى اتاعىن تاپسىرۋ ءساتى بەينەلەنگەن فوتوسۋرەت تە بار. جوبا اياسىنداعى قور كور­مەسى, حالىقارالىق كونفەرەنتسيادان تۇ­راتىن ءىس-شارالار – ەكى ەلدىڭ يادرو­لىق قارۋدى تارات­پاۋ سالاسىنداعى ىنتىماقتاستىقتى تەرەڭ­دەتۋ نيەتىنىڭ كورنەكى مىسالى. بۇدان باسقا, مۇندا جاپوندىق قوعامداستىققا قازاق­تىڭ زەرگەر­لىك بۇيىمدارى, ۇلتتىق كيىمى ۇسى­نىلعان. بۇل – ءبىزدىڭ تاريحىمىز بەن مادە­نيەتىمىزدى تانىستىرۋدا اسا ماڭىزدى», دەدى. 

كورمەنىڭ العاشقى كەلۋ­شىلەرىنىڭ ءبىرى توكيولىق كاسىپكەر يۋيچيرو ميكامي الماتىدا وقىعان جىلدارىن ەسكە الىپ, اتالعان شارانىڭ ما­ڭىز­دى­لىعىن با­سا ايتتى. «جاپونيا قازاق­ستان تۋرالى اقپا­راتقا ءزارۋ. مەنىڭ ءوزىم سىز­دەر­دىڭ ەلىڭىزدە وقى­عانىما قارا­ماستان, قا­زاقستان تۋرالى از بىلەدى ەكەن­مىن. مۇنى ەلىمىز اراسىنداعى ور­تاق قىر­لار­دى اشقان بۇگىنگى كورمەدەن ءتۇسىن­دىم. كورمەدە زەرتتەۋدى قاجەت ەتەتىن كوپ­تەگەن تاريحي دەرەكتەر كورسەتىلگەن. بۇ­گىندە مەنىڭ بيزنەسىم مەديتسينالىق تۋريزم سالاسىندا دامۋدا. مەنىڭ ءىسىمنىڭ قازاق­ستاندىقتارعا دا پايداسى تيەر دەپ ۇمىتتەنەمىن», دەدى يۋ.ميكامي.

كورمەگە 350-دەن اسا ەكسپونات, ار­حيۆتىك قۇجاتتار, فوتوسۋرەتتەر مەن بەينەماتەريالدار ۇسىنىلعان. ءۇش بولىمنەن تۇراتىن كورمە قازاق­ستان رەسپۋب­ليكاسىنىڭ تۇڭعىش پرە­زي­دەنتى – ەلباسى كىتاپحاناسىنىڭ ەلباسى كەڭسەسى مەن قورى­نىڭ قولداۋىمەن, قازاقستان رەسپۋب­ليكا­سىنىڭ سىرتقى ىستەر مينيسترلىگى, قازاق­ستاننىڭ جاپونياداعى ەلشىلىگى جانە گوي بەيبىتشىلىك قورىنىڭ ۇيىمداس­­تىرۋىمەن ءوتىپ وتىر.

قازاقستان رەسپۋبليكا­سىنىڭ تۇڭعىش پرەزيدەنتى – ەلباسى كىتاپحاناسىنىڭ «قازاقستان-جاپونيا: يادرولىق قارۋ­سىز الەمگە جول» كوشپەلى عىلىمي-ەكس­پو­زي­تسيالىق جوباسى بارىسىندا كورمە­مەن قاتار توكيو قالاسىنداعى بۇۇ ۋني­ۆەر­سيتەتىندە يادرولىق قارۋ­سىزدانۋ سالا­سىنداعى بەدەلدى ساراپشىلاردىڭ قاتى­سۋى­مەن حالىقارالىق كونفەرەن­تسيا ءوتتى. كونفەرەنتسيا ن.ءا.نا­زار­­­­باەۆ­­تىڭ يادرو­لىق قا­رۋ­سىز الەم قالىپ­تاستىرۋ جو­لىنداعى قوزعالىستى دامىتۋداعى قىز­مەتىنە ارنالعان. جيىنعا قا­زاق­ستان رەس­پۋب­ليكاسىنىڭ جا­پونياداعى ەلشىسى ەرلان باۋداربەك-قوجاتاەۆ, قازاق­ستان رەسپۋبليكاسىنىڭ تۇڭعىش پرە­زي­دەنتى – ەلباسى كىتاپحاناسىنىڭ ديرەكتورى ءامىرحان راحىمجانوۆ, بۇۇ باس حات­شى­سىنىڭ بۇرىنعى ورىنباسارى ياسۋسي اكاسي, اتوم جوباسىنىڭ قۇرمەتتى ەلشىسى كارىپبەك كۇيىكوۆ, توكيوداعى ناگاساكي وكىلدىگىنىڭ باسشىسى حيساتو ميتسۋتاكە, گوي بەيبىتشىلىك قورىنىڭ پرەزيدەنتى حيروو سايوندجي, سونداي-اق شەتەلدىك عالىمدار مەن ساراپشىلار قاتىستى.