بۇل تۋرالى ىشكى ىستەر ءمينيسترىنىڭ 2019-2021 جىلدارعا ارنالعان جول كارتاسىن جۇزەگە اسىرۋ بارىسى قارالعان قوعامدىق كەڭەستە قوستاناي وبلىستىق پوليتسيا دەپرتامەنتىنىڭ باستىعى, گەنەرال-مايور بەكەت ايماعامبەتوۆ ايتتى.
وبلىس تۇرعىندارىنا شاققاندا قوستاناي وبلىسىندا قىلمىس كورسەتكىشى جوعارى. ول ءاربىر 10 مىڭ تۇرعىنعا 176 قىلمىستان كەلەدى. بۇل رەسپۋبليكا بويىنشا ءۇشىنشى ورىندا دەگەن ءسوز.
«سوندىقتان ءبىزدىڭ قىلمىستىق پوليتسيا قىزمەتكەرلەرى مەن تەرگەۋشىلەرىنىڭ جۇگى جەڭىل ەمەس. وسىعان قاراماستان سوڭعى ءتورت جىلدا اۋىر جانە اسا اۋىر قىلمىستاردىڭ اشىلۋى 81 پايىزعا دەيىن جەتتى, بۇرىنعىدان الدەقايدا جاقساردى» دەدى بەكەت ايماعامبەتوۆ.
سونىمەن بىرگە وبلىستا بوپسالاۋ, ادام ولىمىنە اكەلگەن دەنە جاراقاتىن سالۋ سەكىلدى اۋىر قىلمىستار 100 پايىز اشىلدى. اشىلعان قىلمىستاردىڭ 90 پايىزى ادام ءولتىرۋ, توناۋ, ماشينا قۋىپ كەتۋ, 80 پايىزى شىعىنى ءبىر ميلليون تەڭگە بولاتىن پاتەر ۇرلىعىنان تۇرادى.
قوستاناي