يران پرەزيدەنتىنىڭ پارلامەنت ماسەلەلەرى جونىندەگى ورىنباسارى حوسەين ءالي ءامىري ۇكىمەت يران ايەلدەرىنىڭ ستاديوندارعا بارىپ, فۋتبول كورۋىنە رۇقسات ەتەتىن جاعداي جاساپ جاتقانىن مالىمدەدى.
يرنا اگەنتتىگىنىڭ دەرەگىنشە, ءامىري ايەلدەر ستاديونعا بارۋى ءۇشىن ايەلدەرگە عانا ارنالعان ورىندىقتار, كىرىپ-شىعاتىن قاقپالار, جۇرەتىن جولدار, الەۋمەتتىك قىزمەتتەر سەكىلدى ءتيىستى ينفراقۇرىلىم قالىپتاستىرىلاتىنىن ايتتى.
جاستار جانە سپورت ءمينيسترىنىڭ بۇيرىعىمەن بۇل رەتتەگى جۇمىستار ەلدەگى نەگىزگى ستاديونداردا جۇرگىزىلىپ جاتىر.
«ايەلدەردىڭ ستاديونعا بارۋ قۇقىعىن تاپتاۋعا بولمايدى. بۇل - بۇكىل الەمدە فۋتبولداعى بەلگىلى قۇقىقتاردىڭ ءبىرى. بىزدىڭشە, قوعامنىڭ تەڭ جارتىسىن قۇرايتىن ايەلدەردى بۇل قۇقىقتان ماقۇرىم ەتۋ دۇرىس ەمەس», - دەدى حوسەين ءالي ءامىري.
جوسپارعا وراي, 10 قازان كۇنى يراندىق ايەلدەر ازادي ستاديونىنا بارىپ, يران قۇراماسىنىڭ كامبودجامەن ويىنىن تاماشالاي الادى.
ەسكە سالا كەتسەك, يراندىق ايەلدەر بىلتىر دا يران-بوليۆيا ماتچىنا بارعان. سول ويىندا يراندىقتار 2:1 ەسەبىمەن جەڭىسكە جەتكەن ەدى.