تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى «بىرگە – تازا قازاقستان» ەكولوگيالىق اكتسياسىنا قولداۋ ءبىلدىرىپ, رەسپۋبليكامىزدىڭ ءار ايماعىندا تازالىق شارالارىن وتكىزدى. رەسپۋبليكالىق چەللەندجگە مينيسترلىككە قاراستى «ازاماتتارعا ارنالعان ۇكىمەت» مەملەكەتتىك كورپوراتسياسى, «ۇلتتىق اقپاراتتىق تەحنولوگيالار» اق مەن «قازاقتەلەكوم» اق قىزمەتكەرلەرى قاتىستى. بۇل تۋرالى ماڭعىستاۋ وبلىسى حالىققا قىزمەت كورسەتۋ ورتالىعى ءباسپاسوز قىزمەتى حابارلادى.
جالپى رەسپۋبليكالىق دەڭگەيدە ءوتىپ جاتقان اكتسيا قورشاعان ورتانى قوقىستان تازارتىپ, ەلىمىزدىڭ ەكولوگيالىق جاعدايىن جاقسارتۋعا باعىتتالعان.
ماڭعىستاۋ وبلىسى بويىنشا فيليال ديرەكتورى ە.بايجىگىتتىڭ ايتۋىنشا, ماڭىزدى ەكولوگيالىق شارانى مەملەكەتتىك كورپوراتسيانىڭ بارلىق ايماقتاعى فيليالدارى مەن قر ءتسدياو مينيسترلىگىنە قاراستى مەكەمەلەر قولدادى.
-ءبىز ارىپتەستەرىمىزبەن 15 شاعىناۋدان تەڭىز جاعالاۋى ايماعىن تازارتۋدامىز. قىزمەتكەرلەرىمىز تۋعان جەردى كوركەيتۋگە وزىندىك ۇلەس قوسىپ جاتىر. عاسىرلار بويى ىدىرامايتىن پلاستيك سياقتى قوقىستى جيناۋ – وتە ماڭىزدى. ءوڭىر تۇرعىندارىن وسىنداي تازالىق اكتسياسىن قولداۋعا عانا ەمەس, اينالانى تازا ۇستاپ قالدىقتاردى تاستاماۋعا شاقىرامىن, دەدى ول.
ماڭعىستاۋ وبلىسى