بۇل تۋرالى ماشينا قۇراستىرۋشىلار فورۋمىندا «قازمۇنايگاز» ۇك اق ساتىپ الۋ جانە جابدىقتاۋ جونىندەگى باسقارۋشى ديرەكتورى ەسەن قايرجان مالىمدەدى. اتالعان كورسەتكىش ەلىمىزدىڭ مۇناي-گاز سالاسىنداعى ورتاشا كورسەتكىشتەن ايتارلىقتاي جوعارى. ساتىپ الۋدا جەرگىلىكتى ۇلەستى ارتتىرۋعا قمگ كومپانيالار توبىنداعى بيزنەس-ۇردىستەردى جەتىلدىرۋ باعدارلاماسىنىڭ ماڭىزدى قۇرامداس بولىگى بولىپ تابىلاتىن ساتىپ الۋ قىزمەتىن ساناتتىق باسقارۋ جۇيەسىن ەنگىزۋ سەپتىگىن تيگىزدى.
- ساتىپ الۋ ستراتەگيالارىنىڭ اياسىندا تاۋار مەن قىزمەت كورسەتۋگە دەگەن قمگ توبىنداعى بىرنەشە ۇيىمنىڭ قاجەتتىلىگىن بىرىكتىرەتىن ساناتتىق مەنەدجمەنت ءوزىنىڭ تيىمدىلىگىن دالەلدەدى. بۇگىندە وسىنداي ستراتەگيالار دايىندالاتىن تاۋار, جۇمىس جانە قىزمەتتىڭ 67 تۇرىنەن تۇراتىن ءتىزىم ايقىندالدى. قازىرگى ۋاقىتتا ونىڭ 16 ءساتتى جۇزەگە اسىرىلۋدا, ال تاعى 17 ساتىپ الۋ ستراتەگياسى دايىندالۋ ۇستىندە, دەدى ە. قايرجان.
فورۋمدا ء«وندىرۋ مەن بۇرعىلاۋعا ارنالعان قۇبىرلار» اتتى ساناتتىق ساتىپ الۋ ستراتەگياسى مىسال رەتىندە كەلتىرىلدى. ونىڭ اياسىندا قمگ وتاندىق «KSP Steel» جشس جانە «كاسكور-ماشزاۆود» جشس كومپانيالارىمەن سوراپتى-كومپرەسسورلىق قۇبىرلاردى جەتكىزىپ بەرۋ تۋرالى جالپى سوماسى 40 ملرد تەڭگەدەن اساتىن ۇزاق مەرزىمدى كەلىسىمشارتتارعا وتىردى. مۇنايدى وندىرۋگە قاجەتتى سوراپتى-كومپرەسسورلىق قۇبىرلار, تەرەڭدىك سوراپتارعا ارنالعان باعانالار جانە ترانسفورماتورلاردى قمگ وتكەن جىلى دا تولىعىمەن وتاندىق مۇناي-گاز جابدىقتارىن وندىرۋشىلەردەن ساتىپ العان بولاتىن.
ايتا كەتەيىك, وتاندىق وندىرۋشىلەرمەن ارىپتەستىك «قازمۇنايگاز» ۇلتتىق كومپانياسى ءۇشىن باسىم باعىتتاردىڭ ءبىرى بولىپ تابىلادى. جاڭا وندىرىستەردى دامىتۋ جانە قولداۋ ماقساتىندا يمپورت الماستىرۋ جونىندە جەرگىلىكتى كەڭسە قۇرىلدى.
ماڭعىستاۋ وبلىسى