قازاقستان رەسپۋبليكاسى ىشكى ىستەر مينيسترلىگىنىڭ قولداۋىمەن, ماڭعىستاۋ وبلىسى پوليتسيا دەپارتامەنتىنىڭ ۇيىمداستىرۋىمەن ساقشىلار اراسىندا وتكەن «پاراساتتى پوليتسەي» 10-شى رەسپۋبليكالىق بايقاۋى قورىتىندىلاندى. بۇل تۋرالى ماڭعىستاۋ وبلىسى پوليتسيا دەپارتامەنتى ءباسپاسوز قىزمەتى حابارلادى.
قازاقستان رەسپۋبليكاسى ىشكى ىستەر ءمينيسترىنىڭ ورىنباسارى ا. زاپپاروۆ بارشا قاتىسۋشىلاردى قۇتتىقتاپ, ماڭعىستاۋ وبلىسى پوليتسيا دەپارتامەنتىنىڭ باسشىلارى مەن جەكە قۇرامىنا بايقاۋدى ۇيىمداستىرعاندارى ءۇشىن العىس ءبىلدىردى.سونداي-اق, ارىستانعاني راسىلحان ۇلى ماڭعىستاۋ وبلىسى اكىمى سەرىكباي ترۇموۆقا ءىىم اتىنان العىس ءبىلدىرىپ, العىس حاتپەن ماراپاتتادى.قازىلار القاسى شەشىمىمەن ءۇشىنشى ورىنعا 3 كوماندا - سولتۇستىك قازاقستان وبلىسى پوليتسيا دەپارتامەنتىنىڭ «15-ءوڭىر», جامبىل وبلىسى پوليتسيا دەپارتامەنتىنىڭ «تاراز قىراندارى» جانە اقمولا وبلىسى پوليتسيا دەپارتامەنتىنىڭ «كوكشە ساقشىلارى» كوماندالارى يە بولدى.ەرەكشە ونەر كورسەتىپ, ەكىنشى ورىنعا يە بولعان شىمكەنت قالاسى پوليتسيا دەپارتامەنتىنىڭ «مەگاپوليس» پەن اقتوبە وبلىسى پوليتسيا دەپارتامەنتىنىڭ «سەرت بەرەمىز!» كوماندالارى بولدى.رەسپۋبليكالىق بايقاۋدا جۇزدەن جۇيرىك شىعىپ, جۇلدەلى ءبىرىنشى ورىن جۇلدەسىمەن كولىكتەگى پوليتسيا دەپارتامەنتىنىڭ «كولىك ساقشىلارى» كومانداسى ماراپاتتالدى.پاراساتتىلىق تانىتىپ, ەڭ ۇزدىك ونەر كورسەتىپ, باس جۇلدەنى الماتى وبلىسى پوليتسيا دەپارتامەنتىنىڭ «جەتىسۋ ارلاندارى» كومانداسى يەمدەندى.سونداي-اق, نوميناتسيالاۋ كەزەڭىندە «اكتەرلىك شەبەرلىگى ءۇشىن» نوميناتسياسىمەن باتىس قازاقستان وبلىسى پوليتسيا دەپارتامەنتىنىڭ «جەتىنشى ايماق» كومانداسى ماراپاتتالدى. ال, ء«تىلى باسقا, تىلەگى ءبىر» نوميناتسياسىمەن پاۆلودار وبلىسى پوليتسيا دەپارتامەنتىنىڭ «سارىارقا ساقشىلارى» كومانداسى, «كوركەم ءسوز شەبەرى» نوميناتسياسىمەن قوستاناي وبلىسى پوليتسيا دەپارتامەنتىنىڭ «الاش ۇلى» كومانداسى ماراپاتتالدى. قر ءىىم بارىمبەك بەيسەنوۆ اتىنداعى قاراعاندى اكادەمياسىنىڭ «پوليتسيا اجارى» كومانداسىنا «ۇيىمشىل كوماندا» نوميناتسياسى جۇلدەسى تابىستالسا, قىزىلوردا وبلىسى پوليتسيا دەپارتامەنتىنىڭ «سىر ساربازدارى» كومانداسى ونەرىمەن «ونەرلى كوماندا» اتاندى. اتىراۋ وبلىسى پوليتسيا دەپارتامەنتىنىڭ «ەلدىڭ بالاسى» كومانداسى ەرەكشە كوزگە ءتۇسىپ, «كورەرمەن كوزايىمى» نوميناتسياسىن جەڭىپ الدى.سونىمەن قاتار, ماڭعىستاۋ وبلىسىنىڭ اكىمى س.ترۇموۆ بايقاۋدا جۇلدەلى ورىندارعا يە بولماعانمەن مەملەكەتتىك ءتىلدىڭ مارتەبەسىن ارتتىرۋدا بەلسەندىلىك تانىتىپ, ونەر كورسەتكەن 8 كومانداعا ماڭعىستاۋ وبلىسى اكىمىنىڭ اتىنان العىس حاتتار تابىستادى.ولار - شىعىس قازاقستان وبلىسى پوليتسيا دەپارتامەنتىنىڭ «التىن التاي», تۇركىستان وبلىسى پوليتسيا دەپارتامەنتىنىڭ «تۇركىستان قىراندارى», نۇر-سۇلتان قالاسى پوليتسيا دەپارتامەنتىنىڭ «ەلوردا», الماتى قالاسى پوليتسيا دەپارتامەنتىنىڭ «پوليتسيا جاستارى», قر ءىىم ماقان ەسبولاتوۆ اتىنداعى الماتى اكادەمياسىنىڭ «الاتاۋ قىراندارى», قر ءىىم شىراقبەك قابىلباەۆ اتىنداعى قوستاناي اكادەمياسىنىڭ «قابىلباەۆ ۇرپاقتارى», قر ءىىم م.بوكەنباەۆ اتىنداعى زاڭ ينستيتۋتىنىڭ «بوكەنباەۆ بارىستارى», قاراعاندى وبلىسى پوليتسيا دەپارتامەنتىنىڭ «الاش ايبىنى» كوماندالارى.ماڭعىستاۋ وبلىسى پوليتسيا دەپارتامەنتىنىڭ باستىعى پوليتسيا پولكوۆنيگى ق.تايمەردەنوۆ جۇلدەلى ورىندار مەن ماراپاتتارعا يە بولعان كوماندالاردى قۇتتىقتاپ, ىشكى ىستەر مينيسترلىگىنە ەرەكشە العىس ءبىلدىرىپ, داستۇرگە اينالعان «پاراساتتى پوليتسەي» رەسپۋبليكالىق بايقاۋدىڭ ءرامىزىن 2020 جىلى اتالعان بايقاۋ وتەتىن اقمولا وبلىسى پوليتسيا دەپارتامەنتىنە تابىستادى. اقمولا پوليتسەيلەرى مارافوندى قابىل الىپ, كورەرمەندەرگە ءان شاشۋىن سىيلادى.ءار كوماندا مۇشەلەرى باعالى سىيلىقتار مەن ماراپاتتارعا, كوماندا جەتەكشىلەرى دە ارنايى سىيلىقتارعا يە بولدى. ەستەلىككە كيەلى ماڭعىستاۋ ولكەسى تۋرالى كىتاپ تابىستالدى.ماڭعىستاۋ وبلىسى