پرەمەر-مينيستر ا. مامين, ۆيتسە-پرەمەر ج. قاسىمبەك جانە استانا اكىمى ا. كولگىنوۆ №1 يندۋستريالدىق پارك اۋماعىندا سالىنىپ جاتقان مودۋلدىك ءۇي قۇرىلىسى زاۋىتىندا بولدى. بۇل تۋرالى قالا اكىمدىگىنىڭ رەسمي سايتى حابارلادى.
مودۋلدىك ءۇي قۇرىلىسى ۇيلەردىڭ ساپاسىنا نۇقسان كەلتىرمەي, شارشى مەتردىڭ وزىندىك قۇنىن تومەندەتۋگە جانە عيماراتتاردى سالۋ مەرزىمىن قىسقارتۋعا مۇمكىندىك بەرەدى. ماسەلەن, اتالمىش تەحنولوگيانى قولدانا وتىرىپ 16 قاباتتى ءۇيدى 4 اي ىشىندە سالۋعا بولادى. قاراپايىم قۇرىلىس كەزىندە بۇل پروتسەسس ءبىر جىلدان استام ۋاقىتقا سوزىلار ەدى. قۇرىلىس دايىن مودۋلدىك بلوكتار ەسەبىنەن جۇزەگە اسىرىلىپ, بولمەنى بىرىڭعاي ءبۇتىن ەتىپ جينايدى. قازىرگى زامانعى وزىق قۇرىلىس تەحنولوگياسىن گەرمانيا, قىتاي, سينگاپۋر سياقتى ەلدەردە پايدالانادى.
پرەمەر-مينيستر ا. ءماميننىڭ ايتۋىنشا, اتالمىش جوبا تۇرعىن ءۇيدىڭ قولجەتىمدىلىگىن ارتتىرىپ قانا قويماي, قۇرىلىس يندۋسترياسىن دامىتۋعا سەرپىن بەرەدى.
زاۋىت 700-دەن استام جۇمىس ورنىن اشۋعا جانە جىل سايىن 400 شارشى مەتردى پايدالانۋعا بەرۋگە مۇمكىندىك بەرەدى.