بۇگىن سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى ءبىلىم باسقارماسىمەن, جوعارى وقۋ ورىندارىمەن, كوللەدجدەرمەن, سونداي-اق جالپى ءبىلىم بەرەتىن مەكتەپتەرمەن بىرلەسىپ بىرىڭعاي ادالدىق ساعاتىن وتكىزدى.
ءىس-شارادا ستۋدەنتتەر مەن وقۋشىلارعا پاراساتتىلىقتىڭ نەگىزگى قاعيدالارى جەتكىزىلىپ, قوعامدا سىبايلاس جەمقورلىققا نولدىك توزىمدىلىكتى قالىپتاستىرۋعا باسا نازار اۋدارىلدى.
جاس ۇرپاقتىڭ پاراساتتىلىق قاعيدالارىن جۇزەگە اسىرۋدا جانە تاراتۋدا, قازاقستاندىق پاتريوتيزم رۋحىندا جەكە تۇلعانى تاربيەلەۋدە جانە سىبايلاس جەمقورلىقتى قابىلداماۋداعى ماڭىزدى ءرولى اتاپ ءوتىلدى.
ءبىلىم بەرۋ مەكەمەلەرىندە دارىسكەرلەر رەتىندە قالالىق سىبايلاس جەمقورلىققا قارسى ءىس-قيمىل دەپارتامەنتىنىڭ باسشىلىعى مەن قىزمەتكەرلەرى, اكىمدىك پەن ءبىلىم باسقارماسىنىڭ, "شىمكەنت-ادالدىق الاڭى" جوبالىق كەڭسەسىنىڭ جانە ارنايى مونيتورينگ توبىنىڭ, «نۇر وتان» پارتياسى فيليالىنىڭ وكىلدەرى, سونداي-اق وقۋ ورىندارىنىڭ باسشىلارى ءسوز سويلەدى.
وسى ورايدا, دەپارتامەنت باسشىسى ا. جۇماعالي م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ ستۋدەنتتەرىمەن جانە وقىتۋشىلارىمەن كەزدەستى. دەپارتامەنت باسشىسى «پاراساتتىلىقتى بۇكىل قوعامنىڭ ورتاق كۇش-جىگەرىمەن قالىپتاستىرۋ كەرەك. بۇگىنگى تاڭدا سىزدەردىڭ ارقايسىلارىڭىز ۋاقىتتىڭ ماقساتىن تەرەڭ سەزىنىپ, فورمۋلانى ناقتى ۇستانۋلارىڭىز قاجەت: پاراساتتىلىق-ۇلتتىڭ رۋحاني وزەگى, پروگرەسسيۆتى قوعامنىڭ ءومىر ءسۇرۋ نورماسى. جاستار-بولاشاق قازاقستاننىڭ نەگىزگى قوزعاۋشى كۇشى, اعا ۇرپاقتىڭ لايىقتى اۋىسۋى» دەپ اتاپ ءوتتى.
ۋنيۆەرسيتەت ستۋدەنتتەرى جاستار اراسىنداعى پاراساتتىلىق قاعيدالارىن جۇزەگە اسىرۋ جانە ەلدىڭ بولاشاعى تۋرالى ويلارىمەن ءبولىستى.
ستۋدەنتتەرمەن وسى تۇرعىداعى كەزدەسۋلەر وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىندە جانە Silk Way حالىقارالىق ۋنيۆەرسيتەتىندە دەپارتامەنت باسشىسىنىڭ ءبىرىنشى ورىنباسارى ت. سەرىكباەۆ پەن دەپارتامەنت باسشىسىنىڭ ورىنباسارى ق. قابىلبەكوۆتىڭ قاتىسۋىمەن ءوتتى.
ايتا كەتۋ كەرەك, شىمكەنتتە 10 جوو, 29 كوللەدج جانە 144 مەكتەپتە بىرىڭعاي ادالدىق ساعاتى ءوتتى.