وبلىستىق ءماسليحاتتىڭ كەزەكتەن تىس سەسسياسىندا دەپۋتاتتار مەملەكەت باسشىسى قاسىم-جومارت توقاەۆتىڭ ۇلت كوشباسشىسى قۇرمەتىنە كوشە اتىن بەرۋ تۋرالى باستاماسىن قولدايتىندىقتارىن ءبىلدىردى.
«ەلىمىزدەگى بارلىق قالالار مەن اۋدانداردا ەلباسىنىڭ اتىنا كوشە بەرۋ تۋرالى ۇسىنىستار ءتۇستى. بۇل ەستافەتانى ءبىزدىڭ ءوڭىر دە قابىلداپ الدى. وبلىستاعى ءىرى كاسىپورىنداردىڭ, اۋىل شارۋاشىلىعى قۇرىلىمدارىڭ باسشىلارى, اۆتوموبيل جولدارى كوللەدجىنىڭ ۇجىمى جانە جەكە ادامدار قوستاناي قالاسىندا ەلباسىنىڭ اتىنا كوشە بەرۋ تۋرالى ۇسىنىسپەن شىقتى. قوعامدىق تاڭداۋعا 250 ادام قاتىستى» دەدى وبلىستىق تىلدەردى دامىتۋ باسقارماسىنىڭ باسشىسى گۇلجان مەڭدەكەنوۆا. گاگارين اتىنداعى كوشەنى نۇرسۇلتان نازارباەۆتىڭ اتىنا وزگەرتۋ تۋرالى وبلىس اكىمدىگىنىڭ ۇسىنىسى رەسپۋبليكالىق ونوماستيكا كوميسسياسىندا قارالىپ, ماقۇلداندى. كوميسسياسىڭ سول وتىرىسىندا «اەروپورت» شاعىن اۋدانىنداعى ءبىر كوشەگە دارىگەر دميتري گەراسيموۆتىڭ اتىن بەرۋ تۋرالى ۇسىنىس تا قارالىپ, قولداۋ تاپتى.
گۇلجان مەڭدەكەنوۆا وبلىس ورتالىعىنداعى گۆاردەيسكايا كوشەسى ەندى گاگارين اتالاتىنىن جانە تاقتايشالاردى وزگەرتۋگە بيۋدجەت قارجىسى جۇمسالمايتىنىن, جۇمىستار دەمەۋشىلەر ەسەبىنەن اتقارىلاتىنىن ايتتى.
قوستاناي