بۇگىن قر پرەمەر-ءمينيسترى اسقار مامين ۇكىمەت مۇشەلەرىمەن جانە وڭىرلەر اكىمدەرىمەن كەڭەس وتكىزدى, ونىڭ بارىسىندا پرەزيدەنت ق.ك. توقاەۆتىڭ قازاقستان حالقىنا ارناعان «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» جولداۋىنىڭ باستى باعىتتارى قارالدى. بۇل تۋرالى primeminister.kz حابارلادى.
مەملەكەت باسشىسىنىڭ ۇكىمەتتىڭ الدىنا ناقتى مىندەتتەر قويعانى ايتىلدى, ولاردىڭ شەشىلۋى ەكونوميكانىڭ ودان ءارى وسۋىنە, تۇڭعىش پرەزيدەنت – ەلباسى ن.ءا. نازارباەۆتىڭ ستراتەگيالىق باعىتتارىنىڭ نەگىزىندە ءبىزدىڭ ەلىمىزدىڭ ازاماتتارىنىڭ ءومىر ءسۇرۋ ساپاسىن جاقسارتۋعا ىقپالىن تيگىزەتىن بولادى.
مەملەكەت باسشىسىنىڭ تىكەلەي شەتەلدىك ينۆەستيتسيالاردى تارتۋ, وڭىرلەردى دامىتۋ جانە اتاۋلى الەۋمەتتىك كومەك كورسەتۋ بويىنشا قويعان مىندەتتەرىن شەشۋدىڭ ماڭىزدىلىعىنا ەرەكشە كوڭىل ءبولىندى.
مەملەكەت باسشىسىنىڭ جولداۋىن ىسكە اسىرۋ بويىنشا ناقتى شارالارعا ەرتەڭگى ۇكىمەت وتىرىسى ارنالاتىن بولادى.