«استانا» فۋتبول كلۋبىنىڭ شابۋىلشىسى رانگەلو يانگا ەۋروپا ليگاسىنىڭ پلەي-وفف كەزەڭىندەگى باتە-گە قارسى قارىمتا ماتچ الدىندا ءباسپاسوز ءماسليحاتىنا قاتىسىپ, جۋرناليستەردىڭ سۇرعانا جاۋاپ بەردى.
– ەرتەڭ ەۋروپا ليگاسىنىڭ توپتىق كەزەڭىنە شىعىمىز دەپ ۇمىتتەنەمىن. دەسە دە, ءبىزدى وتە اۋىر ويىن كۇتىپ تۇر. ەگەر قارىمتا ماتچتا ءبىز گول سوعاتىن بولساق, توپتىق كەزەڭگە وتۋگە تولىق مۇمكىندىك بار.
– ەلوردادا وتكەن ويىن ەسەبى ەرتەڭگى ماتچقا كەرى اسەرىن تيگىزبەي مە؟
– ءيا, ءبىز ءوز الاڭىمىزدا وتە تاماشا ويىن كورسەتىپ, 3:0 ەسەبىمەن جەڭىسكە جەتتىك. ايتكەنىمەن, بۇل ەسەپ ءبىزدى كەلەسى كەزەڭگە الىپ شىعادى دەي المايمىن. سوندىقتان ەرتەڭگى ويىندا بارىمىزدى سالۋىمىز كەرەك. وزدەرىڭىز بىلەتىندەي ەۋرودودا ويىدارىندا وڭاي قارسىلاس بولمايدى. العاشقى ويىننىڭ ەسەبىن ۇمىتىپ, قارىمتا ماتچقا بارىنشا جاۋاپكەرشىلىكپەن قاراۋىمىز كەرەك.
– ەرتەڭ نەگىزگى قۇرامدا الاڭعا شىقساڭىز گول سوعۋعا تىرىساسىز با؟
– ارينە, ەرتەڭ باس باپكەر ءبىرىنشى مينۋتتان باستاپ ماعان سەنىم ارتسا, گول سوعۋعا تىرىسامىن. بىراق ەرتەڭگى ويىندا مەنىڭ گول سوققانىمنان بۇرىن كوماندانىڭ جەڭىسى ماڭىزدى.