قاراعاندى وبلىسىنداعى نۇرا اۋدانىنىڭ قاينار اۋىلىندا جاڭا ءورت ءسوندىرۋ بەكەتى اشىلدى. مۇنداعى ءورت سوندىرۋشىلەر اتالعان اۋىل مەن جاقىن ماڭداعى ەلدى مەكەندەرگە قىزمەت كورسەتەتىن بولادى. قازىرگى تاڭدا قاينار اۋىلىندا بارلىعى 204 ءتۇتىن بار, وندا 1164 ادام مەكەن ەتەدى.
بۇعان دەيىن مۇنداي بەكەتتەر شەت, جاڭاارقا, بۇقار جىراۋ, وساكاروۆ, نۇرا, اباي, قارقارالى جانە ۇلىتاۋ اۋداندارىندا اشىلعان-دى. ولار جالپى سانى 23 مىڭ ادامنان اساتىن 28 ەلدى مەكەننىڭ ءورت قاۋىپسىزدىگىن ساقتايدى.
جالپى, ءورت ءسوندىرۋ بەكەتتەرى جەرگىلىكتى اتقارۋشى ورگانداردىڭ قولداۋىمەن اشىلادى. ال قاراعاندى وبلىستىق توتەنشە جاعدايلار دەپارتامەنتى ولاردى قاجەتتى تەحنيكامەن قامتاماسىز ەتەدى. سوڭعى ۋاقىتتىڭ وزىندە اتالعان بەكەتتەرگە التى ءورت ءسوندىرۋ اۆتوتەحنيكاسى بەرىلگەن.
قازىرگى ۋاقىتتا جاڭاارقا جانە قارقارالى اۋداندارى اكىمدىكتەرىنىڭ بالانسىنا ءورت ءسوندىرۋ كولىگىنىڭ تاعى ەكەۋىن بەرۋ ماسەلەسى قاراستىرىلۋدا. جىل سوڭىنا دەيىن شەت, وساكاروۆ, نۇرا, اباي جانە ۇلىتاۋ اۋداندارىندا دا بەس ءورت ءسوندىرۋ بەكەتىن اشۋ جوسپاردا بار.
ايتا كەتۋ كەرەك, قاينار اۋىلىندا اشىلعان بۇل نىسان وڭىردەگى 14-ءشى ءورت ءسوندىرۋ بەكەتى.
قاراعاندى وبلىسى,
نۇرا اۋدانى