وبلىستىق مەملەكەتتىك كىرىستەر دەپارتامەنتىنىڭ مالىمەتىنشە, سالىقتى تولەۋ مەرزىمى زاڭ بويىنشا 31 جەلتوقسانعا دەيىن بەلگىلەنگەن.
سالىق ۋاقىتىندا جينالسا, قارىزدىڭ باسىم بولىگى بيۋدجەتكە تۇسەتىنى بەلگىلى. سوندىقتان, تالاپتى كۇشەيتىپ, سالىق تولەمەگەندەردىڭ كولىكتەرىن ايىپ تۇراعىنا اپاراتىن شارا قاجەت.
الداعى كۇندەرى بۇل ماسەلەگە وراي وبلىس اكىمدىگىندە ارنايى وتىرىس وتكىزىلمەك.
ال, سالىقتىق ەمەس تۇسىمدەر بويىنشا بيۋدجەتتىڭ كوپ بولىگىن اكىمشىلىك پوليتسيا سالاتىن اكىمشىلىك ايىپپۇلدار قۇراپ وتىر. جەتى ايدا 519,7 ملن تەڭگە كولەمىندە ايىپپۇل سالىنىپ, ونىڭ 72,3 پايىزى ءوندىرىلىپتى.
وبلىستىق قارجى باسقارماسىنىڭ مالىمەتىنشە, وبلىستىق بيۋدجەتتىڭ بولجامدى كورسەتكىشتەرى ورىندالعانىمەن, ەكىباستۇز بەن اقسۋ قالالارىندا ورىندالماۋى دا مۇمكىن.
- جالپى, قالالار مەن اۋدان اكىمدەرى قوسىمشا ءتۇسىم كوزدەرىن ىزدەستىرۋدە جۇمىس جۇرگىزۋلەرى قاجەت. عيماراتتاردى, اكتيۆتەردى جالعا بەرۋ, باسەكەلەستىك ورتاعا شىعارۋ ىسىنە ءمان بەرىلۋى ءتيىس, - دەگەن تاپسىرما بەرىلدى وبلىس اكىمى ب.باقاۋوۆتىڭ تاراپىنان.
بۇل كولەڭكەلى ەكونوميكاعا جول جوق دەگەن ءسوز. بيزنەس نىساندارى باقىلاۋ-كاسسالىق ماشينالاردى پايدالانۋعا كوشىرىلۋدە. وبلىستا ولاردىڭ 70 پايىزى قۇرىلعىنى قولدانۋدا. ساتۋدان تۇسكەن قارجىنى كاسىپكەرلەردىڭ جاسىرۋىنا مۇمكىندىك بولمايدى.
ال, بيۋدجەتتى ءوسۋى-بيۋدجەتتىك ساياساتتىڭ مىندەتى. بۇل ماقسات تەك مەملەكەتتىك كىرىس دەپارتامەنتىنىڭ عانا ەمەس, بارلىق قۇزىرلى ورگاندارعا قاتىستى ەكەنى بەلگىلى.
پاۆلودار